35 வயதிற்கு மேற்பட்ட பெண்கள் கண்டிப்பாக அறிந்திருக்க வேண்டியவை

Report
576Shares

35 வயது மற்றும் அதற்கு மேற்பட்ட பெண்கள் பலருக்கு முதுகு எலும்பில் தேய்மானம் ஏற்பட வாய்ப்பிருப்பதாக மருத்துவர்கள் தெரிவிக்கின்றனர்.

இதற்கு தினமும் அவர்களின் உணவில் கால்சியம் நிறைந்த உணவுகளை சேர்த்தாலே இந்த பிரச்சனைகளை அவர்கள் தவிர்க்கலாம்.

தினமும் ஒரு டம்ளர் பால் மற்றும் உணவில் தயிர் சேர்க்க வேண்டும். உணவில் சோயா பீன்ஸ், ஆரஞ்சு, வெள்ளரிக்காய், பாதாம் போன்றவைகளை தினம் ஒன்றாக சேர்க்க வேண்டும்.

மேலும், முடிந்த அளவுக்கு அடிக்கடி சீஸ் சேர்ப்பது நல்லது. தினமும் காலை நேரங்களில் மிதமான வெயிலில் நடப்பதும் நன்மை அளிக்கும்.

பெண்களுக்கு ஏற்படும் எலும்பு தேய்மானத்துக்கு உடற்பயிற்சி மட்டும் செய்யாமல், உணவிலும் கவனம் செலுத்தவேண்டும்.

எலும்பை வலுப்படுத்த, கால்சியத்தோடு புரதச்சத்தும் தேவைப்படுகிறது. அதனால் புரதம், கால்சியம் அதிகம் உள்ள உணவுகளைச் சாப்பிட வேண்டும்.

பால், பாலாடைக் கட்டி, பால் பொருட்கள், கீரை வகைகள், காய்கறிகள், மீன், முட்டை, கோழி, ராகி, கேழ்வரகு, கொள்ளு, பருப்பு வகைகள், பாதாம் மற்றும் ஆப்பிள், ஆரஞ்சு, வாழைப்பழம் ஆகியவற்றில் கால்சியம் மற்றும் புரதச்சத்து நிறைவாக உள்ளன. இவற்றில் ஏதேனும் சிலவற்றையாவது தினமும் உணவில் சேர்க்க வேண்டும்.

உடல் உழைப்பைவிட அதிக உணவு எடுத்துக்கொள்வதன் மூலம் உடல் எடை அதிகரிப்பது. காபி, டீ போன்ற பானங்களை அதிகமாகக் குடிப்பதால், உடலில் உள்ள கால்சியம் குறையும்.

குளிர்பானங்கள், கால்சியம் சத்தை அழிக்கும் தன்மைகொண்டவை எனவே முடிந்தவரை அவற்றினை தவிர்ப்பது நல்லது.

பாக்கெட்டில் வைத்து விற்கப்படும் துரித உணவுகள் மற்றும் நொறுக்குத்தீனி ஆகியவை எலும்பு தேய்மானத்துக்குக் காரணமாகின்றன.

பொதுவாக பெண்களுக்கு 40 வயது தாண்டியதும் மெனோபாஸ் வந்துவிடுகிறது. அந்தச் சமயத்தில் கால்சியம் பற்றாக்குறை ஏற்படுகிறது. அதனால் மூட்டுவலி, முதுகுவலிப் பிரச்சனைகள் வருகின்றன.

இதனால் கால்சியம் அதிகம் உள்ள நாட்டுக்கோழி, மீன், இறால், முட்டை மற்றும் சோயா பீன்ஸ் போன்ற உணவுகளைச் சேர்த்துகொள்ள வேண்டும்.

அதோடு உணவு, உடற்பயிற்சி மற்றும் வாழ்க்கை முறையை மாற்றிக்கொண்டால் மட்டுமே எலும்பு தேய்மானத்துக்கு தீர்வு காண முடியும்.

21033 total views