பெய்ஜிங்கில் சீன அதிபர் ஷி ஜின்பிங்கிற்கு டிரம்ப் புகழாரம்

Report
10Shares

அமெரிக்க அதிபர் டொனால்ட் டிரம்ப் சீன அதிபர் ஷி ஜின்பிங்கை தாராளமாக புகழ்ந்து பேசியுள்ளார். இது வட கொரியாவின் சர்ச்சைக்குரிய பிரச்சனைகள் மற்றும் வர்த்தகம் மீதான சீனா குறித்த முந்தைய விமர்சனங்களுக்கு முரண்பட்டதாக உள்ளது.

அதேசமயம், அணு ஆயுத திட்டங்களை களைய வட கொரியாவை இணங்க வைக்கும் முயற்சிகளில் மிகவும் கடினமாக உழைக்குமாறு ஷி ஜின்பிங்கை டிரம்ப் வலியுறுத்தியுள்ளார்.

சீனாவின் தாராள வர்த்தகம் குறித்து டிரம்ப் தெரிவித்த கருத்து அனைவரையும் ஆச்சரியப்பட வைத்தது.

இரு நாடுகளுக்கிடையிலான வர்த்தக உறவில் கூடுதல் பலன்களைப் பயன்படுத்திக் கொண்டதற்காக சீனாவை நான் குறைகூறவில்லை என்று அவர் தெரிவித்துள்ளார்.

சீனாவுக்கு அரசுமுறை பயணம் மேற்கொண்டுள்ள அமெரிக்க அதிபர் தலைநகர் பெய்ஜிங்கில் இவ்வாறு பேசினார்.

அமெரிக்க அதிபர் டொனால்ட் டிரம்பிற்கு சீனாவில் பிரம்மாண்ட வரவேற்பு கொடுக்கப்பட்டதையடுத்து (வியாழக்கிழமை) காலை இரு தலைவர்களும் பேச்சுவார்த்தை நடத்தினார்கள்.

மேலும், டிரம்பின் பயணத்தின்போது, சுமார் 250 பில்லியன் டாலர்கள் மதிப்புள்ள வர்த்தக ஒப்பந்தங்களையும் இரு தலைவர்களும் அறிவித்தார்கள்.

எனினும், இந்த 250 பில்லியன் டாலர்களில், எவ்வளவு தொகை முந்தைய திட்டங்களிலிருந்து மீண்டும் அறிவிக்கப்பட்டுள்ளது என்பதோ அல்லது எதிர்காலத்தில் அமையவிருக்கும் சாத்தியமான ஒப்பந்தங்களுக்கான தொகையா என்பது தெளிவாக தெரியவில்லை.

474 total views