15 ஆயிரம் அமெரிக்க டாலர் ஏலம்போன பாதணி!
அமெரிக்காவை சேர்ந்த பிரபல பாப் பாடகரின் பாதணி ஏலத்தில் 15 ஆயிரம் அமெரிக்க டாலர் விற்பனை செய்யப்பட்டுள்ளது. அமெரிக்காவை சேர்ந்த பிரபல பாப் பாடகரும் நடிகருமானவர் எல்விஸ் பிரெஸ்லி.
இவர் தன்னுடைய இன்னிசையால் 19-ம் நூற்றாண்டு ரசிகர்களை தன்னுடைய காலடியில் கட்டிப்போட்டு வைத்திருந்தார். 1950-களில் அவர் மேடை ஏறி பாடியபோது ஊதா நிறத்திலான காலணிகளை அணிவது வழக்கம்.
இந்தநிலையில் எல்விஸ் பிரெஸ்லி பயன்படுத்திய அந்த காலணிகள் அவருடைய நெருங்கிய நண்பர் ஒருவரினால் சமீபத்தில் ஏலத்துக்கு விடப்பட்டது.
ஏலம் விறுவிறுப்பாக நடந்த நிலையில் அந்த ஒரு ஜோடி காலணியை அவரின் அதிதீவிர ரசிகர் ஒருவர் 15 ஆயிரம் அமெரிக்க டாலர்கள் மதிப்பில் ஏலம் எடுத்தார்.