முத்தத்தால் உலக சாதனை படைத்த ஜோடி!

Guinness World Records South Africa

By Sundaresan Feb 16, 2023 09:08 AM GMT

Sundaresan

Report

தென்ஆப்பிரிக்க ஜோடி ஒன்று நீருக்குள் நீண்ட நேர முத்தம் கொடுத்து, 13 ஆண்டு கால கின்னஸ் உலக சாதனையை முறியடித்து உள்ளது.

தென்ஆப்பிரிக்காவில் வசித்து வரும் தம்பதி மைல்ஸ் கிளவ்டையர் மற்றும் பெத் நீல். கனடா நாட்டை சேர்ந்தவர் கிளவ்டையர். நீல், தென்ஆப்பிரிக்காவை சேர்ந்தவர்.

இவர்கள் இருவரும், 5 ஆண்டுகளுக்கு முன்பு பெர்முடா நாட்டில் ஒருவரையொருவர் சந்தித்து உள்ளனர். தொடர்ந்து இவர்களது காதல் திருமணத்தில் முடிந்தது.

இந்த ஜோடிக்கு ஒன்றரை வயதில் நிவே என்ற மகள் உள்ளார். நீச்சல் வீரர், வீராங்கனைகளான இருவரும் திருமணத்திற்கு பின்னர் தென்ஆப்பிரிக்காவில் ஒன்றாக வசித்து வருகின்றனர்.

காதலர் தினத்தில் புதுமையாக ஏதேனும் செய்ய வேண்டுமென விரும்பிய அவர்கள், அதற்காக மாலத்தீவுக்கு சென்று உள்ளனர். அதன்பின் தங்கும் விடுதி ஒன்றில் இதற்கான முயற்சியில் இறங்கினார்கள்.

முத்தத்தால் உலக சாதனை படைத்த ஜோடி! | A Couple Who Set A World Record With A Kiss

இவர்களது கின்னஸ் சாதனை முயற்சியை அறிந்த பலர் திரளாக கூடி விட்டனர். லக்ஸ் சவுத் ஆரி அடால் என்ற தங்கும் விடுதியில் உள்ள நீச்சல் குளத்திற்குள் இந்த ஜோடி, தேவையான உபகரணங்கள், உடைகளை அணிந்தபடி இறங்கியது.

அதன்பின் தொடர்ந்து கிளவ்டையரும், நீலும் முத்தம் கொடுத்தபடி இருந்தனர். இதனை, சுற்றியிருந்தவர்கள் படம் பிடித்தனர். ஆரவாரமும் செய்தனர். இவர்களது முத்தம் 4 நிமிடங்கள் மற்றும் 6 வினாடிகள் வரை நீடித்தது.

13 ஆண்டுகளுக்கு முன்பு, நீருக்குள் முத்தம் கொடுத்தபடி 3 நிமிடங்கள் 24 வினாடிகள் வரை இருந்ததே இதற்கு முன் நிகழ்த்திய கின்னஸ் உலக சாதனையாக இருந்தது. இதனை அவர்கள் முறியடித்து உள்ளனர்.

இதற்காக அவர்களுக்கு கின்னஸ் உலக சாதனை அமைப்பு சார்பில் பாராட்டு சான்றிதழ் வழங்கப்பட்டு உள்ளது.