லங்காசிறி FM
கனடாவைப்போலவே அமெரிக்காவிலும் டெஸ்லா கார் தொடர்பில் குற்றச்சாட்டு
Balamanuvelan
கனடாவில் டெஸ்லா கார் விபத்தில் இந்தியர்கள் நான்குபேர் உயிரிழந்த விவகாரம் போலவே, மேலும் சில சம்பவங்கள் நிகழ்ந்துள்ளதாக தகவல்கள் வெளியாகியுள்ளன.
கடந்த மாதம், அதாவது, அக்டோபர் மாதம், 24ஆம் திகதி, கனடாவின் ரொரன்றோவில் வேகமாக சென்றுகொண்டிருந்த டெஸ்லா கார் ஒன்று, சாலையின் நடுவிலிருந்த தடுப்புச்சுவரில் மோதி தீப்பற்றியது.
தீப்பற்றியதில் காருக்குள் சிக்கி Neelraj Gohil (25), அவரது சகோதரியான Ketaba Gohil (29), Jay Sisodiya என்பவர், மற்றும் Digvijay Patel ஆகிய நான்குபேர் உடல் கருகி பலியாகிவிட்டார்கள்.
Rick Harper என்பவர், இரும்புக் கம்பி ஒன்றின் உதவியால், கார் ஜன்னல் கண்ணாடி ஒன்றை உடைத்து, காரிலிருந்த 20 வயதான ஒரு இளம்பெண்ணை மட்டும் காப்பாற்றியுள்ளார்.
அதாவது, டெஸ்லா காரின் கதவுகள் எலக்ட்ரானிக் முறையில் செயல்படக்கூடியவையாகும். டெஸ்லா கார்கள் விபத்துக்குள்ளாகும்போது, அதன் பேட்டரி செயலிழக்குமானால், காரின் கதவுகள் செயல்படாமல் போகும்.
அப்படி கார் கதவைத் திறக்கமுடியாததால்தான் அந்த நான்கு இந்தியர்களும் உயிரிழந்ததாக Rick Harper தெரிவித்திருந்தார்.
இந்நிலையில், டெஸ்லா காரின் கதவுகள் திறக்காததால் உயிரிழப்பு நேரிட்டதைக் குறித்த மேலும் சில தகவல்கள் வெளியாகியுள்ளன.
கடந்த வாரம், அமெரிக்காவின் விஸ்கான்சின் மாகாணத்தில் இதேபோல் ஒரு டெஸ்லா கார் விபத்துக்குள்ளாகி தீப்பற்றியது.
அந்தக் காரின் கதவுகளைத் திறக்கமுடியாததால், காருக்குள் சிக்கி ஐந்து பேர் கொல்லப்பட்டார்கள்.
மேலும், ஜூலை மாதத்தில் ரொரன்றோவில் பெருவெள்ளம் ஏற்பட்டபோது, காருக்குள் சிக்கிய Edris Kyalignmba என்பவர், கார் கதவைத் திறக்கமுடியாததால், கண்ணாடி ஜன்னல் ஒன்றை உடைத்து வெளியேறியதாக தெரிவித்துள்ளார்.
ப்ளோரிடாவிலுள்ள ஒரு குடும்பம், 2019ஆம் ஆண்டு, Omar Awan என்பவர் டெஸ்லா காரின் கதவுகள் திறக்காததால், தீயில் சிக்கி உயிரிழந்ததையடுத்து, அவரது குடும்பத்தினர் அந்நிறுவனத்தின் மீது வழக்குத் தொடர்ந்துள்ளனர்.
விடயம் என்னவென்றால், டெஸ்லா கார்கள் விபத்துக்குள்ளாகி, அதன் கதவுகள் செயல்படாமல் போகும் நிலையில், கதவைத் திறக்க ஒரு வழி உள்ளதாம்.
அதாவது, கார் கதவில் பொருத்தப்பட்டுள்ள ஒரு சிறிய பேனலைத் திறந்தால், அதில் ஒரு கேபிள் இருக்குமாம். அதைப் பிடித்து இழுத்தால், கார் கதவு திறந்துவிடும்.
ஆனால், இந்த பேனல் குறித்த விவரம் குறித்து அதிகம் விளம்பரம் செய்யப்படுவதில்லை.
இன்னொரு விடயம் என்னவென்றால், கார் விபத்துக்குள்ளாகும் நிலையில், இப்படி ஒரு பேனலை திறக்கவேண்டும், அதற்குள் இருக்கும் கேபிளைப் பிடித்து இழுக்கவேண்டும் என்று யோசிக்கும் நிலையில் யாரும் இருப்பதில்லை என்பதையும் மறுக்கமுடியாது.
கொக்குவில், Nottingham, United Kingdom, Liverpool, United Kingdom
09 Nov, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
புங்குடுதீவு 3ம் வட்டாரம், மருதனார்மடம், Markham, Canada
13 Oct, 2024
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021