பங்களாதேஷ் டெஸ்ட் வரலாற்றில் மகத்தான சாதனை

Australia Bangladesh Cricket Team

By Kamal Aug 16, 2026 03:41 PM GMT

Kamal

Report

டெஸ்ட் கிரிக்கெட் வரலாற்றில் இதுவரை இல்லாத மிகப்பரபரப்பான திருப்புமுனையாக, டார்வினில் நடைபெற்ற முதல் டெஸ்ட் போட்டியில் சர்வதேச கிரிக்கெட்டின் முன்னணி அணியான ஆஸ்திரேலியாவை 9 விக்கெட்டுகள் வித்தியாசத்தில் வீழ்த்தி பங்களாதேஷ் அணி வரலாற்றுப் பதிவை எழுதியுள்ளது.

26 ஆண்டுகால டெஸ்ட் கிரிக்கெட் வரலாற்றில் பங்களாதேஷ் அணி ஆஸ்திரேலிய மண்ணில் பதிவு செய்யும் முதல் டெஸ்ட் வெற்றி இதுவென்பதுடன், சர்வதேச கிரிக்கெட்டில் அந்த அணி பெற்ற மிகப்பெரிய வெற்றியாகவும் இது கொண்டாடப்படுகிறது.

பங்களாதேஷ் டெஸ்ட் வரலாற்றில் மகத்தான சாதனை | Bangladesh Thrash Australia

போட்டியின் நான்காம் நாளில் 284 ரன்களுக்கு ஆஸ்திரேலியாவைச் சுருட்டிய பங்களாதேஷ் அணிக்கு வெற்றி பெற வெறும் 57 ரன்களே தேவையாக இருந்தது. சுழற்பந்து வீச்சாளர் மெஹிதி ஹசன் மிராஸ் 66 ரன்களைக் கொடுத்து 5 விக்கெட்டுகளை வீழ்த்தி ஆஸ்திரேலியாவின் விக்கெட் சரிவை விரைவுபடுத்தினார்.

ஆஸ்திரேலிய அணியின் ஆல்ரவுண்டர் கேமரூன் கிரீன் நிதானமாக விளையாடி 104 ரன்கள் எடுத்துப் போராடிய போதிலும், ஹசன் மஹ்மூதின் பந்துவீச்சில் அவர் ஆட்டமிழந்ததும் ஆஸ்திரேலியாவின் வெற்றி வாய்ப்பு முற்றிலும் பறிபோனது.

இந்தப் போட்டியில் முதல் இன்னிங்ஸில் 6 விக்கெட்டுகளையும், இரண்டாவது இன்னிங்ஸில் 3 விக்கெட்டுகளையும் கைப்பற்றி அசத்திய பந்துவீச்சாளர் ஹசன் மஹ்மூத் ஆட்டநாயகனாகத் தேர்வு செய்யப்பட்டார்.

இறுதியில், மொமினுல் ஹக் மற்றும் ஷாத்மன் இஸ்லாம் ஆகியோரின் உறுதியான ஆட்டத்தால் பங்களாதேஷ் அணி 57 ரன்கள் என்ற இலக்கை எளிதாக எட்டி வரலாற்றுச் சாதனையைப் படைத்தது.