லங்காசிறி FM
விசா கட்டணங்களை திடீரென உயர்த்திய பிரித்தானியா !
Sulokshi
பிரித்தானியாவிற்குச் செல்லும் பயணிகள், மாணவர்கள் மற்றும் பணியாளர்களுக்கான விசா கட்டணங்களைக் கணிசமாக உயர்த்துவதாக பிரித்தானியா உள்துறை அலுவலகம் அறிவித்துள்ளது.
இந்த புதிய கட்டண உயர்வு ஏப்ரல் 8, 2026 முதல் அமுலுக்கு வரவுள்ளதாக தெரிவிக்கபப்டுகின்றது. அதன்படி விண்ணப்பதாரர்களின் வகைப்பாட்டிற்கு ஏற்ப கட்டணங்கள் பின்வருமாறு மாற்றியமைக்கப்பட்டுள்ளன.
கூடுதல் செலவைத் தவிர்க்க விண்ணப்பதாரர்கள் ஆர்வம்
பயண விசா (Visitor Visa): சாதாரண 6 மாத கால பயண விசா கட்டணம் 127 பவுண்டிலிருந்து 135 பவுண்டுகளாக உயர்கிறது. நீண்டகால விசா: 2 வருட விசா கட்டணம் 506 பவுண்டுகளாகவும், 10 வருட விசா கட்டணம் 1,128 பவுண்டுகளாகவும் அதிகரிக்கப்பட்டுள்ளன.
பணியாளர் விசா (Skilled Worker Visa): 3 ஆண்டுகள் வரையிலான தங்குதலுக்கான விசா கட்டணம் 769 பவுண்டிலிருந்து 819 பவுண்டுகளாக அதிகரிக்கிறது.
குடியேற்ற விசா (Settlement Visa): காலவரையறையற்ற தங்குமிடம் கோரும் விசா (Indefinite Leave to Remain) கட்டணம் 2,064 பவுண்டுகளாக நிர்ணயிக்கப்பட்டுள்ளது.
குடியேற்ற நடைமுறைக்கான செலவினங்களை ஈடுகட்டவும், நாட்டில் குடியேறுபவர்களின் எண்ணிக்கையை முறைப்படுத்தவும் இந்த நடவடிக்கை எடுக்கப்பட்டுள்ளதாக பிரித்தானிய அரசு தெரிவித்துள்ளது.
இந்த நிலையில் பிரித்தானியாவின் இந்த விசா கட்டண அதிகரிப்பானது பல்வேறு தரப்பினரிடையே கவலையை ஏற்படுத்தியுள்ளது. இது குறித்துப் பேசிய பிரித்தானிய தொழில்துறை கூட்டமைப்பு (CBI), "ஏற்கனவே G7 நாடுகளில் பிரித்தானியாவே அதிக வேலைவாய்ப்பு விசா கட்டணங்களைக் கொண்டுள்ளது.
இந்த கூடுதல் உயர்வு, சர்வதேச அளவில் திறமையான பணியாளர்களை ஈர்ப்பதில் பின்னடைவை ஏற்படுத்தும்," என எச்சரித்துள்ளது.
இந்நிலையில் பிரித்தானியாவில் கட்டண உயர்வு நடைமுறைக்கு வருவதற்கு இன்னும் சில நாட்களே உள்ள நிலையில், கூடுதல் செலவைத் தவிர்க்க விண்ணப்பதாரர்கள் மற்றும் நிறுவனங்கள் ஏப்ரல் 8-ஆம் திகதிக்கு முன்னதாகவே விண்ணப்பங்களைச் சமர்ப்பிக்க ஆர்வம் காட்டி வருகின்றதாக கூறப்படுகின்றது.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026
