லங்காசிறி FM
கனேடியர்களும் அமெரிக்கர்களும் இணைந்து பயன்படுத்துவதற்காக அமைக்கப்பட்ட நூலகம்: சில சுவாரஸ்ய தகவல்கள்
கனேடியர்களும் அமெரிக்கர்களும் இணைந்து பயன்படுத்துவதற்காக கனடா அமெரிக்க எல்லையில் அமைக்கப்பட்டது நூலகம் ஒன்று.
ஆனால், ட்ரம்ப் கனேடியர்களுக்கு விதித்த கட்டுப்பாடுகள் காரணமாக, கனடா தற்போது அதிரடி நடவடிக்கை ஒன்றை எடுத்துள்ளது.
1904ஆம் ஆண்டு, கனேடியர்களும் அமெரிக்கர்களும் இணைந்து பயன்படுத்தவேண்டும் என்ற நோக்கத்திற்காகவே கனடா அமெரிக்க எல்லையில் நூலகம் ஒன்று அமைக்கப்பட்டது.
The Haskell Free Library and Opera House என்னும் அந்தக் கட்டிடத்தின் நுழைவாயில் அமெரிக்காவின் Vermont மாகாணத்தில் அமைந்துள்ளது.
கனேடியர்கள் அந்த நூலகத்துக்குச் செல்லவேண்டுமானால், எல்லை கடந்து அமெரிக்காவிலுள்ள Vermont மாகாணத்துக்குச் சென்றுதான் அந்த நூலகத்துக்குள் நுழையமுடியும்.
ட்ரம்ப் அமெரிக்க ஜனாதிபதியாக இரண்டாவது முறையாக தேர்ந்தெடுக்கப்பட்டதும் அவர் செய்துவரும் அடாவடிகள் உலகம் அறிந்ததே.
ஆக, கனேடியர்கள் அந்த நூலகத்துக்குள் நுழைய ட்ரம்ப் கடும் கட்டுப்பாடுகள் விதிக்க, அந்த நூலகம் கட்டப்பட்டதன் நோக்கமே ட்ரம்பால் அடிபட்டுப் போய்விட்டது.
இந்நிலையில், அந்த நூலகம் தொடர்பில் கனடா அதிரடி நடவடிக்கை ஒன்றை எடுத்துள்ளது.
ஆம், கனேடியர்கள் அந்த நூலகத்தைப் எளிதாக பயன்படுத்தும் வகையில், கனடா பகுதியில் ஒரு நுழைவாயிலை அமைத்துள்ளது கனடா அரசு!
நீங்கள் அந்த நூலகத்தைப் பார்த்தால், அமெரிக்கா கனடாவுக்கு இடையிலான சர்வதேச எல்லை, தரையில் ஒரு கருப்பு நிற டேப் மூலம் அடையாளப்படுத்தப்பட்டுள்ளதைக் காணலாம்.
அதாவது, அந்தக் கோட்டுக்கு அந்தப் பக்கம் அமெரிக்கா, இந்தப் பக்கம் கனடா!
ஒரு முக்கிய விடயம் என்னவென்றால், இந்த நுழைவாயிலை அமைப்பதற்காக மிகப் பெரிய தொகை செலவிடப்பட்டுள்ளது. ஆம், 500,000 டொலர்கள் செலவில் அந்த நுழைவாயில் அமைக்கப்பட்டுள்ளது!
கோண்டாவில் கிழக்கு, புத்தளம், Staten Island, New York, United States
11 Jun, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
