கொலம்பியாவில் பார்வையாளர்களை ஈர்த்த அலங்கார அணிவகுப்பு!
மெடலின் நகரில் நடைபெற்ற 60-வது மலர் அலங்கார அணிவகுப்பு திருவிழா பார்வையாளர்களை வெகுவாக ஈர்த்துள்ளது.
கொலம்பியாவின் மெடலின் நகரில் பிரசித்தி பெற்ற 'சிலிடெரா' என்னும் வகை மலர்கள் அலங்கார அணிவகுப்பு பேரணி பிரம்மாண்டமாக நடைபெற்றது.
மலர்கள் விவசாயத்திற்கு பிரசித்தி பெற்ற இந்த நகரில் ஆண்டுதோறும் இந்த திருவிழா பாரம்பரிய முறையில் நடைபெற்று வருகிறது.
இதன்படி, இந்த ஆண்டு (2022) மெடலின் நகரில் நடைபெற்ற 60-வது மலர் அலங்கார அணிவகுப்பு திருவிழா பார்வையாளர்களை வெகுவாக ஈர்த்துள்ளது.
மேலும், இதில் விவசாயிகள் தாங்கள் விளைவித்த அழகிய பல வண்ண மலர்களை 100 கிலோ எடை கொண்ட மலர் சக்கரத்தில் அலங்கரித்து ஊர்வலமாக கொண்டு வந்தனர்.