லங்காசிறி FM
மாவீரர் தினத்தில் துவாரகா என்று காட்டப்பட்ட பெண் உரை: மிக தவறான செயல்!
Shankar
தமிழர் தாயகத்தில் மட்டுமல்லாது தமிழர்கள் புலப்பெயர்ந்து வாழும் அனைத்து நாடுகளிலும் மாவீரர் தினமான நேற்றைதினம் (27-11-2023) யுத்தத்தில் உயிர் நீத்த மாவீரர்களுக்கு உணர்வெழுச்சியுடன் நினைவேந்தல் அஞ்சலி செலுத்தப்பட்டுள்ளது.
இதன்போது, தமிழீழ விடுதலைப் புலிகளின் தலைவர் மகள் துவாரகா, மாவீரர் தின உரை சமுக ஊடகங்களில் தகவல்கள் வெளியாகி வைரலாகியிருந்தது.
இந்த நிலையில் இது தொடர்பில் தமிழ்தேசிய கூட்டமைப்பின் முன்னாள் நாடாளுமன்ற உறுப்பினர் பா.அரியநேத்திரன் பதிவு ஒன்றை வெளியிட்டுள்ளார்.
குறித்த பதிவு இதோ!
தலைவர் பிரபாகரன் ஒருபோதுமே வாரிசு அரசியலை குடும்ப அரசியலை ஏற்காத ஒரு உன்னத தலைவர்!
மாவீரர் உரைகள் 1989, தொடக்கம் 2008, வரை 20, உரைகள் மட்டுமே அவரால் நிகழ்த்தப்பட்டது!
அவரை விட வேறு எவரும் அதை நிகழ்த்த தகுதி இல்லை!
தற்போது 2023, கார்த்திகை, 27,ல் துவாரகா என்று காட்டப்பட்ட பெண் யாராக இருந்தாலும் மாவீரர் தின உரை நிகழ்த்துவதாக காட்டப்பட்டது மிக தவறான செயல்…
அப்படி ஒரு உரை துவாரகா எனும் பெயரில் உரையாற்ற வேண்டும் என விரும்பிய ஏற்பாட்டாளர்கள் அதை மாவீரர்தின உரை என கூறாமல் வேறு ஒரு பெயரில் துவாரகாவின் உரை என கூறியிருந்தால் கூட அதை பார்த்துவிட்டு கடந்து செல்லலாம்!
ஆனால் மாவீரர் தின உரை என அந்த பெண்ணை எழுதிக்கொடுத்து வாசிக்க வைத்தது தலைவரின் சிந்தனைக்கு கரிபூசும் விடயமாகவே நான் பார்கிறேன்..!
சிலவேளை அடுத்த 2024, கார்திகை 27, ல் இன்னும் பல துவாரகாக்கள், அல்லது சாள்ஷ் அன்னடிக்கள் மாவீரர் தின உரை என படம் காட்டினாலும் ஆச்சரியப்பட ஒன்றுமில்லை..!
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024
