லங்காசிறி FM
தென்கொரியா முன்னாள் அமைச்சர் தற்கொலைக்கு முயற்சி
Sulokshi
தென்கொரியாவில் முன்னாள் பாதுகாப்பு அமைச்சர் கிம் யாங் ஹயூன் (Kim Yong Hyun)சிறையில் தன் உயிரைமாய்த்துக்கொள்ள முயற்சித்துள்ளார். இந்த தகவலை நீதித்துறை அமைச்சர் பார்க் சங் ஜே, தென்கொரியா பாராளுமன்றக் கூட்டத்தில் உறுதி செய்துள்ளதால் பரபரப்பு ஏற்பட்டுள்ளது.
தென்கொரியாவில் அவசரநிலை இராணுவச் சட்டம் அண்மையில் கொண்டுவரப்பட்ட நிலையில், கடும் எதிர்ப்புக்கு பின்னா் திரும்பப் பெறப்பட்டது.
இந்தப் பரிந்துரையை ஜனாதிபதி யூன் சுக் இயோலுக்கு அளித்த குற்றச்சாட்டில் முன்னாள் பாதுகாப்பு அமைச்சா் கிம் யாங் ஹயூன் (Kim Yong Hyun) ஞாயிற்றுக்கிழமை கைது செய்யப்பட்டார்.
இராணுவ ஆட்சி அமல்படுத்திய விவகாரம்
அவசரநிலை இராணுவ ஆட்சி அமல்படுத்திய விவகாரம் தொடா்பான விசாரணை நடைபெறும் நீதிமன்றத்தில் தாமாகவே கிம் யாங் ஹுயூன் (Kim Yong Hyun) ஆஜரானதாகவும், அவரது கைப்பேசி பறிக்கப்பட்டு அவா் கைது செய்யப்பட்டதாகவும் அந்நாட்டு ஊடகங்களில் செய்திகள் வெளியாயின.
இந்த நிலையில், கிம் யாங்கை காவலர்கள் தடுத்து நிறுத்தியதாகவும், அவர் நலமுடன் இருப்பதாகவும் தென்கொரியா அதிகாரி ஷின் யோங் ஹே புதன்கிழமை (11) தெரிவித்தார்.
பாராளுமன்றத்தில் யூன் சுக் இயோலுக்கு எதிராக எதிர்க்கட்சியினா் தாக்கல் செய்த பதவிநீக்கத் தீா்மானத்தின் மீது சனிக்கிழமை நடைபெற்ற வாக்கெடுப்பில் பங்கேற்காமல் ஆளுங்கட்சியினா் புறக்கணித்தனா்.
இதையடுத்து, மற்றொரு தீா்மானத்தை மீண்டும் நடாளுமன்றத்தில் சனிக்கிழமை அறிமுகப்படுத்தவுள்ளதாக முக்கிய எதிர்க்கட்சியான ஜனநாயக கட்சி தெரிவித்துள்ளமை குறிப்பிடத்தக்கது.
அனலைதீவு 5ம் வட்டாரம், Brake (Unterweser), Germany, Munich, Germany
04 Dec, 2024
புங்குடுதீவு 8ம் வட்டாரம், முள்ளியவளை
11 Dec, 2021
மலாக்கா, Malaysia, Kuala Lumpur, Malaysia, சரவணை, கந்தர்மடம், London, United Kingdom
08 Dec, 2024
சித்தங்கேணி, யாழ்ப்பாணம், சிங்கப்பூர், Singapore, கொழும்பு
09 Dec, 2014
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
