ட்ரம்ப் உடனான சந்திப்புக்கு புதின் கொண்டு சென்ற சூட்கேஸ் தொடர்பில் வெளியான தகவல்
சீனாவில், அமெரிக்க ஜனாதிபதி டொனால்ட் ட்ரம்ப் உடனான சந்திப்புக்கு ரஷ்ய ஜனாதிபதி விளாதிமீர் புதின் கொண்டு சென்ற அணுஆயுத சூட்கேஸ் பெரும் கவனம் பெற்றுள்ளது.
ஆசிய-பசிபிக் பொருளாதார ஒத்துழைப்பு (அபெக்) உச்சிமாநாட்டை ஒட்டி ரஷ்ய ஜனாதிபதி புதின், ஜனாதிபதி டொனால்ட் ட்ரம்ப் உள்ளிட்ட ஏராளமான நாடுகளின் தலைவர்கள் சீனாவின் ஷென்சென் நகரத்துக்கு வருகை தந்தனர்.
இந்த மாநாட்டிற்கு இடையே சீன ஜனாதிபதி ஷி ஜின்பிங், அமெரிக்க ஜனாதிபதி டிரம்ப் மற்றும் ரஷ்ய ஜனாதிபதி புதின் ஆகியோர் முத்தரப்பு சந்திப்புக் கூட்டத்தை நடத்தியுள்ளனர்.
ஈரான் உடனான அமெரிக்காவின் போர் மற்றும் உக்ரைன் உடனான ரஷ்யாவின் போர் நடைபெற்று வரும் சூழலில், உலகின் மிகப் பெரிய அணு ஆயுத வல்லரசு நாடுகளின் தலைவா்கள் மூவரும் முதல்முறை கூட்டாகச் சந்தித்துள்ளனர்.
இந்த நிலையில், சீனாவுக்குச் சென்ற புதினின் பாதுகாவலர்கள், அணுஆயுதத் தாக்குதலுக்கு ஜனாதிபதி உத்தரவிடப் பயன்படும் “செகெட்” எனும் சூட்கேஸ் வடிவிலான கட்டுப்பாட்டுக் கருவியைக் கையோடு எடுத்து வரும் விடியோக்கள் இணையத்தில் வெளியாகியுள்ளன.
இத்துடன், வியத்நாம் நாட்டின் டா நாங் நகரத்தில் நிறுத்தப்பட்டிருந்த அணுஆயுதத் திறனுடைய ரஷ்யாவின் 2 போர் விமானங்களும் ஜனாதிபதி களின் முத்தரப்பு சந்திப்புக்குப் பிறகு புறப்பட்டுச் சென்றதாகக் கூறப்படுகிறது.
முன்னதாக, அமெரிக்கா-ரஷ்யா இடையிலான கடைசி அணு ஆயுதக் கட்டுப்பாட்டு ஒப்பந்தமான ‘நியூ ஸ்டாா்ட்’ கடந்த பிப்ரவரி மாதம் காலாவதியானது. இதையடுத்து, சீனாவையும் உள்ளடக்கிய புதிய முத்தரப்பு அணு ஆயுதக் கட்டுப்பாட்டு ஒப்பந்தத்தை உருவாக்க வேண்டும் என டிரம்ப் வலியுறுத்தி வருவது குறிப்பிடத்தக்கது.