லங்காசிறி FM
கனடாவில் சட்டவிரோத ஆன்லைன் கஞ்சா விநியோக வலையமைப்பு முடக்கம்
கனடாவின் விண்ட்சர் நகரில் இயங்கி வந்த சட்டவிரோத ஆன்லைன் கஞ்சா விநியோக வலையமைப்பைக் கண்டறிந்து ஒன்டாரியோ மாகாணக் காவல் துறை முடக்கியுள்ளது.
ஜூலை 2026-இல் '420 ஹைவே' என்ற பெயரில் செயல்பட்ட ஆன்லைன் கஞ்சா விநியோக கும்பல் குறித்து காவல் துறை விசாரணையைத் தொடங்கியது.
ஒன்டாரியோ மது மற்றும் சூதாட்ட ஆணையம் அல்லது 'ஹெல்த் கனடா' அமைப்புகளின் உரிய அனுமதியின்றி, விண்ட்சர் நகரின் பல்வேறு இடங்களில் இருந்து இவர்கள் கஞ்சா பொருட்களை விநியோகித்து வந்தது கண்டுபிடிக்கப்பட்டது.
செப்டம்பர் 2 அன்று, விண்ட்சர் காவல்துறையினருடன் இணைந்து பொலிஸார் நடத்திய சோதனையில், நகரில் உள்ள இரண்டு வீடுகள் மற்றும் ஒரு சேமிப்புக் கிடங்கில் இருந்து பொருட்கள் பறிமுதல் செய்யப்பட்டன.
366000 டொலர் பெறுமதியான பொருட்கள் பறிமுதல் செய்யப்பட்டுள்ளன. உலர் கஞ்சா மற்றும் அடர் கஞ்சா பொருட்கள், ஹேஷ் மற்றும் உண்ணக்கூடிய கஞ்சா பொருட்கள், வேப், உபகரணங்கள் மற்றும் கஞ்சா பேக்கிங் சாதனங்கள், சட்டவிரோத புகையிலைப் பொருட்கள் மற்றும் 24,000 கனடிய டாலர் ரொக்கம் என்பன பறிமுதல் செய்யப்பட்டுள்ளன.
இச்சம்பவம் தொடர்பாக சார்னியா நகரைச் சேர்ந்த 28 வயது நபர் ஒருவர் மற்றும் விண்ட்சரைச் சேர்ந்த 42, 57 மற்றும் 41 வயதுடைய மூன்று நபர்கள் என மொத்தம் நான்கு பேர் மீது போதைப்பொருள் தொடர்பான பல்வேறு பிரிவுகளின் கீழ் வழக்குப்பதிவு செய்யப்பட்டுள்ளது.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026