ஜோர்ஜியா கேளிக்கைப் பூங்காவில் இடம்பெற்ற விபத்தில் ஒருவர் பலி

Georgia

By Kamal Oct 13, 2026 07:26 AM GMT

Kamal

Report

ஜோர்ஜியாவில் உள்ள சிக்ஸ் ஃபிளாக்ஸ் கேளி்க்கைப் பூங்காவில் நேற்று திங்கட்கிழமை பிற்பகல் நடைபெற்ற ராட்டின விபத்தில் ஒருவர் உயிரிழந்துள்ளார். மேலும் பலர் காயமடைந்துள்ளனர்.

அட்லாண்டாவிற்கு வடமேற்கே சுமார் 24 கிலோமீட்டர் தொலைவில் உள்ள இந்த கேளி்க்கைப் பூங்காவில் இந்தச் சம்பவம் நடந்துள்ளது. இச்சம்பவம் குறித்து காவல் துறையின் முக்கிய குற்றப்பிரிவு துப்பறிவாளர்கள் தீவிர விசாரணை நடத்தி வருகின்றனர்.

உயிரிழந்தவர் எவ்வாறு இறந்தார் என்பது குறித்தும், மற்றவர்கள் காயமடைவதற்கான காரணம் குறித்தும் அதிகாரிகள் இதுவரை அதிகாரப்பூர்வமாகத் தகவல் வெளியிடவில்லை.

ஜோர்ஜியா கேளிக்கைப் பூங்காவில் இடம்பெற்ற விபத்தில் ஒருவர் பலி | One Person Dead Several Injured Six Flags Roller

இந்தச் சம்பவம் குறித்து கருத்துத் தெரிவித்துள்ள சிக்ஸ் ஃபிளாக்ஸ் நிறுவனப் பேச்சாளர், பூங்கா நிர்வாகமும் உள்ளூர் அதிகாரிகளும் உடனடியாக மீட்புப் பணிகளில் ஈடுபட்டதாகவும், விசாரணையில் முழுமையாக ஒத்துழைத்து வருவதாகவும் தெரிவித்தார்.

மேலும், "எங்கள் பூங்காவில் இன்று நேர்ந்த இந்தச் சம்பவத்தால் நாங்கள் ஆழ்ந்த வருத்தமடைகிறோம்" என்று அவர் குறிப்பிட்டார்.

கடந்த மாதம், தெற்கு கலிபோர்னியாவில் உள்ள சிக்ஸ் ஃபிளாக்ஸ் மேஜிக் மவுண்டைன் பூங்கா, கடுமையான மூளை காயம் தொடர்பான வழக்குகளைத் தொடர்ந்து தனது புகழ்பெற்ற எக்ஸ்2 (X2) ராட்டின சேவையை நிறுத்தப்போவதாக அறிவித்தது குறிப்பிடத்தக்கது.

மேலும், கடந்த 2022 ஆம் ஆண்டு இந்த ராட்டினத்தில் சவாரி செய்து உயிரிழந்த 22 வயது இளைஞரின் குடும்பத்தினருடன் சமீபத்தில் சிக்ஸ் ஃபிளாக்ஸ் நிறுவனம் சமரசம் செய்துகொண்டதுடன், கடந்த வாரம் கடுமையான மூளைக் காயங்கள் ஏற்பட்டதாகக் கூறி மேலும் மூன்று வழக்குகள் தொடரப்பட்டன.

கடந்த ஆண்டு புளோரிடாவில் உள்ள யூனிவர்சல் எபிக் யுனிவர்ஸ் தீம் பார்க்கில் அதிவேக ராட்டினத்தில் சவாரி செய்த 32 வயது இளைஞர் ஒருவர் மழுங்கிய தாக்கக் காயங்களால் உயிரிழந்தார் என்பது குறிப்பிடத்தக்கது.