லங்காசிறி FM
கனேடிய மாகாணம் ஒன்றில் பரவும் பறவைக்காய்ச்சல்: பரபரப்படைந்துள்ள விவசாயிகள்
Balamanuvelan
கனேடிய மாகாணமான Nova Scotiaவில், அதிக அளவில் பரவக்கூடிய பறவைக் காய்ச்சல் கண்டுபிடிக்கப்பட்டுள்ளதையடுத்து, தங்கள் பறவைகளை பாதுகாக்கும் முயற்சியில் பரபரப்பாக இறங்கியுள்ளார்கள் விவசாயிகள்.
மேற்கு Nova Scotiaவிலுள்ள பண்ணை ஒன்றில் பறவைக் காய்ச்சல் கண்டுபிடிக்கப்பட்டுள்ளது. அதைத் தொடர்ந்து அந்த பண்ணையிலிருந்த 12,000 வான்கோழிகள் கருணைக்கொலை செய்யப்பட்டன.
கனேடிய உணவு ஆய்வு ஏஜன்சி, பிப்ரவரி 3ஆம் திகதி பயங்கரமாகப் பரவக்கூடிய பறவைக்காய்ச்சல் வைரஸான H5N1 என்னும் வைரஸ் மேற்கு Nova Scotiaவிலுள்ள பண்ணை ஒன்றில் கண்டுபிடிக்கப்பட்டதாகவும், பிப்ரவரி 1 அன்றும் மாகாணத்தின் கிழக்குப் பகுதியிலுள்ள பண்ணை ஒன்றிலும் அந்த வைரஸ் கண்டுபிடிக்கப்பட்டதாகவும் தெரிவித்துள்ளது.
பறவைக்காய்ச்சல் கண்டுபிடிக்கப்பட்டதைத் தொடர்ந்து, பறவைக் காய்ச்சல் பரவாமல் தடுப்பதற்காக, பண்ணைகளில் ஆள் நடமாட்டத்தைக் கட்டுப்படுத்துவது முதல், பண்ணைகளுக்கு டெலிவரிக்காக வரும் ட்ரக்குகளின் டயர்கள் கழுவப்படுவது வரையிலான பல்வேறு நடவடிக்கைகள் எடுக்கப்பட்டுள்ளன.
Nova Scotiaவைப் பொருத்தவரை, அங்குள்ள வான்கோழிகள் உள்ளூரில்தான் அதிகம் விற்பனை செய்யப்படுகின்றன என்பதால், வர்த்தக ரீதியில் குறைந்த அளவிலேயே பாதிப்பு ஏற்பட்டுள்ளதாக உணவு ஆய்வு ஏஜன்சி அதிகாரிகள் தெரிவித்துள்ளார்கள்.
இந்த பறவைக்காய்ச்சல் வைரஸ், பொதுவாக சாதாரணமாக பறவைகளில் காணப்படக்கூடியதுதான் என்றும், அது கோழிகள், வான்கோழிகள், காடைகள் முதல், வீட்டில் செல்லப்பிராணிகளாக வளர்க்கப்படும் பறவைகள் மற்றும் காட்டுப்பறவைகள் வரை தாக்கலாம் என்றும் உணவு ஆய்வு ஏஜன்சி தெரிவித்துள்ளது.
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
அல்லைப்பிட்டி, கனகராயன்குளம், சென்னை, India, திருச்சி, India
21 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021