லங்காசிறி FM
நடுவானில் திடீரென குலுங்கிய பயணிகள் விமானம்... 7 பேருக்கு நேர்ந்த நிலை?
மெக்சிகோவின் கான்கன் விமான நிலையத்தில் இருந்து அமெரிக்காவின் சிகாகோ நகரை நோக்கி பறந்த விமானம் லூசியான நகரம் அருகே சென்றுகொண்டிருந்த போது திடீரென நடுவானில் குலுங்கியதில் 7 பேர் படுகாயமடைந்துள்ளதாக தெரிவிக்கப்பட்டுள்ளது.
சம்பவம் தொடர்பில் மேலும் தெரியவருவதாவது,
போயிங் 737-900 விமான நிறுவனத்துக்குச் சொந்தமான யு.ஏ-1196 என்ற பயணிகள் விமானத்தில் ஊழியர்கள் உள்பட 179 பேர் பயணித்தாகவும் தெரிவிக்கப்பட்டுள்ளது.
லூசியான நகரம் அருகே சென்றபோது அந்த விமானம் திடீரென நடுவானில் குலுங்கியது. அப்போது பயணிகள் தங்களது இருக்கையில் இருந்து நகர்ந்து முன் இருக்கை மீது மோதியதில் 7 பேர் படுகாயமடைந்துள்ளனர்.
இதனையடுத்து குறித்த விமானம் அவசரமாக டென்னசி விமான நிலையத்தில் தரையிறங்கப்பட்ட நிலையில் அங்கு தயாராக இருந்த மீட்பு குழுவினர் படுகாயமடைந்த 7 பயணிகளை மீட்டு சிகிச்சைக்காக வைத்தியசாலைக்கு கொண்டுச் சென்றனர்.
மேலும் விமானத்தில் இருந்த பயணிகள் அனைவரும் பத்திரமாக மீட்கப்பட்டனர்.
பின்னர் வேறொரு விமானம் மூலம் அவர்கள் சிகாகோவுக்கு அனுப்பி வைக்கப்பட்டனர். இந்த சம்பவத்தால் அங்கு சிறிதுநேரம் பரபரப்பு நிலவியது.
மேலும், விமானியின் சாதுர்யத்தால் பயணிகள் அனைவரும் உயிர் தப்பினர். இச்சம்பவம் தொடர்பில் விமான போக்குவரத்து துறை அதிகாரிகள் விசாரணை நடத்தி வருகின்றனர்.
மானிப்பாய், Florida, United States, Southgate, United Kingdom
24 Sep, 2026
