லங்காசிறி FM
விமானத்தில் சிறுநீர் கழிக்க Bottle கொடுத்த ஊழியர்கள்; பயணிகள் கடும் விசனம்
Sulokshi
ஸ்பெயினின் பாலி நகரில் இருந்து ஆஸ்திரேலியாவின் பிரிஸ்பேன் நகருக்குச் சென்ற விர்ஜின் ஆஸ்திரேலியா விமானத்தில், ஆறு மணி நேர பயணத்தின்போது கழிவறைகள் பழுதாகியதால், பயணிகள் பெரும் அவதிக்குள்ளாகினர்.
இந்த விமானம் கிளம்புவதற்கு முன்னரே, ஒரு கழிவறை பழுதடைந்திருந்தது. பயணம் தொடங்கிய சில மணிநேரங்களில், மீதமுள்ள அனைத்து கழிவறைகளும் முழுமையாகச் செயலிழந்துவிட்டன.
பாட்டில்களில் சிறுநீர்
விமானப் பணியாளர்கள் பயணிகளிடம், அவசரம் என்றால் பாட்டில்களிலோ அல்லது பழுதடைந்த கழிவறைக்குள்ளேயே சிறுநீர் கழிக்கலாம் என்று கூறியுள்ளனர்.
இது மூத்த பயணிகள், குழந்தைகள் மற்றும் கர்ப்பிணிப் பெண்களுக்குப் பெரும் துன்பத்தை ஏற்படுத்தியுள்ளது.
கழிவறைகள் நிரம்பி வழிந்ததால், துர்நாற்றம் விமானம் முழுவதும் பரவியது. பல இடங்களில் சிறுநீர் கசிந்து, விமானத்தின் தரைப்பகுதியே நனைந்து போயிருந்ததாகப் பயணிகள் தெரிவித்தனர்.
இந்தச் சம்பவத்திற்கு விர்ஜின் ஆஸ்திரேலியா நிறுவனம் மன்னிப்பு கேட்டுள்ளது. பயணிகளுக்குப் பயணச் செலவை ஈடு செய்ய நடவடிக்கை எடுக்கப்படும் என்றும் தெரிவித்துள்ளது.
இந்தச் சம்பவம் விமானப் பயணத்தின்போது பயணிகள் எதிர்கொள்ளும் சுகாதாரம் மற்றும் பாதுகாப்பு குறித்த கேள்விகளை எழுப்பியுள்ளது. விமான நிறுவனங்களின் அலட்சியத்தால் இந்த சம்பவம் இடம்பெற்றதாக விசனம் வெளியிடப்பட்டுள்ளது.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025