லங்காசிறி FM
கனடாவுக்குச் சென்ற புதிதில் 2 வாரங்கள் தீவிர மன அழுத்தத்தில் வீழ்ந்தேன்: இளவரசர் ஹாரி
இங்கிலாந்து அரச குடும்பத்திலிருந்து விலகி கனடாவுக்குக் குடிபெயர்ந்த புதிதில், சுமார் இரண்டு வாரங்கள் தாம் தீவிர மன அழுத்தத்திற்கு ஆளானதாக இளவரசர் ஹாரி தெரிவித்துள்ளார்.
நரம்பியல் நிபுணர் மேரி-பிரான்சஸ் ஓ'கான்னருடன் நடைபெற்ற ‘மாஸ்டர்கிளாஸ்’ நிகழ்வில் பங்கேற்ற இளவரசர் ஹாரி, தனது மனநலப் போராட்டங்கள் குறித்துப் பல தகவல்களை வெளிப்படையாகப் பகிர்ந்து கொண்டுள்ளார்.
2019-ஆம் ஆண்டின் பிற்பகுதியில் தங்களது முதல் மகன் ஆர்ச்சி பிறந்த சில மாதங்களில், ஹாரி - மேகன் தம்பதியினர் கனடாவிற்குச் சென்றனர். இங்கிலாந்தை விட்டு வெளியேறிய சில நாட்களிலேயே தமக்கு ‘அட்ரினலின் வீழ்ச்சி’ ஏற்பட்டதாக ஹாரி குறிப்பிட்டுள்ளார்.
"எனது மூளை இயங்குவதற்கு மன அழுத்தம் தேவைப்பட்டது போல இருந்தது. வீட்டில் என்னால் எந்த வேலையையும் செய்ய முடியாத நிலை ஏற்பட்டது. அந்தச் சமயத்தில் சுமார் இரண்டு வாரங்கள் நான் தீவிர மன அழுத்தத்திற்குள் சென்றேன்." அரண்மனை வாழ்க்கையின் நெருக்குதல்களிலிருந்து சற்று விலகி, அமைதியாகச் சிந்திப்பதற்காகவே தங்களது குடும்பம் கனடாவிற்குச் சென்றதாக அவர் விளக்கமளித்தார்.
2020 ஜனவரியில் அரசப் பொறுப்புகள் மற்றும் பட்டங்களைத் துறப்பதாக அறிவித்த இத்தம்பதி, பின்னர் லோஸ் ஏஞ்சலஸுக்குக் குடிபெயர்ந்தனர். சமீபத்தில் அவர்கள் மீண்டும் இங்கிலாந்து திரும்பி, லண்டன் அருகே வசித்து வருகின்றனர்.
ஆப்கானிஸ்தானில் தனது இரண்டாவது ராணுவப் பணியை முடித்துத் திரும்பிய பிறகே, தமக்குள்ளிருந்த மனநலப் பாதிப்பை முதன்முதலில் உணர்ந்ததாக ஹாரி கூறினார்.
"எனக்கு ஏற்பட்ட 'பிந்தைய மன உளைச்சல் நோய்' ஆப்கானிஸ்தான் போரினால் மட்டும் உருவானது அல்ல. அங்கே கண்ட காட்சிகளும் அனுபவங்களும், சிறுவயது முதல் எனக்குள் உறைந்திருந்த பிற சோகங்களை வெளியே கொண்டு வந்தன," என தெரிவித்துள்ளார்.
மூச்சுத்திணறல், சட்டையின் காலரை இறுக்கும்போது ஏற்பட்ட பீதி போன்ற உடலியல் மாற்றங்களே, தாம் மன ரீதியாகப் பாதிக்கப்பட்டுள்ளதை உணர்த்திய முதல் அறிகுறிகள் எனக் குறிப்பிட்டார்.
நாட்டு நடப்பு | சிறப்பு நேரலை
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
