தொகுப்பாளராக களமிறங்கும் குக் வித் கோமாளி பிரபலம் சிவாங்கி! ரசிகர்கள் உற்சாகம்
வரப்போகும் சில சூப்பர் சிங்கர் எபிசோடுகளை பிரியங்காவிற்கு பதிலாக குக் வித் கோமாளி பிரபலம் ஷிவாங்கி , தொகுத்து வழங்க உள்ளதாக தகவல் வெளியாகியுள்ள நிலையில் சிவாங்கி ரசிகர்கள் உற்சாகத்தில் உள்ளனராம்.
. பிரபல தொலைக்காட்சியில் பல வருடங்களாக ஹிட்டாக ஓடிக் கொண்டிருக்கும் நிகழ்ச்சி சூப்பர் சிங்கர். கொரோனா காலத்தில் சிறியவர்களுக்கான நிகழ்ச்சி ஒளிபரப்பாகி வந்த நிலையில் கொரோனா காரணமாக அப்படியே நிறுத்தப்பட்டது.
எனினும் தற்போது பெரியவர்களுக்கான புதிய சீசன் ஒளிபரப்பாகி வரும் நிலையில் அதுவும் இறுதிக்கட்டத்தை நெருங்கிவிட்டது. இந்த சீசனில் ஜெயிக்கப்போவது யார் என்ற கருத்துக் கணிப்புகளும் நிறைய நடந்து வருகிறது.
இந்த நிலையில் தான் பிக்பாஸ் 5வது சீசனில் தொகுப்பாளினி பிரியங்கா தேஷ்பாண்டே கலந்துகொள்கிறார் என செய்தி வந்தது. அதனை உறுதிப்படுத்துவது போல் புதிய Start Music நிகழ்ச்சியை மாகாபா தொகுத்து வழங்குகிறார்.
இந்த நிலையில் இதற்கு மேல் வரப்போகும் சில சூப்பர் சிங்கர் எபிசோடுகளை பிரியங்காவிற்கு பதிலாக குக் வித் கோமாளி பிரபலம் ஷிவாங்கி , தொகுத்து வழங்க இருக்கிறாராம். ஷிவாங்கி அதன் ஒரு புகைப்படத்தையும் தனது இன்ஸ்டாவில் பதிவு செய்துள்ளார்.
சிவாங்கி பொதுவாகவே கலகல என இருப்பவர். இந்நிலையில் தொகுப்பாளராக அவர் களமிறங்குவது அவரது ரசிகர்களை உற்சாகப்படுத்தியுள்ளது.