சீன அரசாங்கத்திடம் கோரிக்கை விடுத்துள்ள இலங்கை!

சீனாவின் விண்வெளி-செயற்கைக்கோள் கண்காணிப்பு கப்பலான யுவான் வாங் 5 இன் விஜயத்தை ஒத்திவைக்குமாறு இலங்கை அரசாங்கம், சீன அரசாங்கத்திடம் கோரியுள்ளதென மற்றுமொரு செய்தியில் தெரிவிக்கப்பட்டுள்ளது.

இரு அரசாங்கங்களுக்கிடையில் “மேலும் ஆலோசனைகள்” மேற்கொள்ளப்படும் வரை ஹம்பாந்தோட்டை துறைமுகத்துக்கு கப்பல் விஜயம் செய்வதை ஒத்திவைக்குமாறே இலங்கை கோரியுள்ளதாக அறியமுடிகின்றது.

சீனாவினால் குத்தகைக்கு எடுக்கப்பட்ட ஹம்பாந்தோட்டை துறைமுகத்துக்கு இந்த உளவுக் கப்பல் ஓகஸ்ட் 11-ம் திகதியன்று நங்கூரம் இடும் என்றும், எரிபொருள் நிரப்பிவிட்டு ஓகஸ்ட் 17-ம் திதி புறப்படத் திட்டமிடப்பட்டது. யுவான் வாங் 2007 இல் கட்டப்பட்டது மற்றும் 11,000 தொன்களை சுமந்து செல்லும் திறன் கொண்டது.

சீனாவின் ஜியாங்யினில் இருந்து ஜூலை 13 அன்று புறப்பட்ட இந்த ஆய்வுக் கப்பல் தற்போது தைவானுக்கு அருகில் பயணிக்கிறது என்றும் அந்த செய்தியில் தெரிவிக்கப்பட்டுள்ளது. மரைன் டிராஃபிக் வலைத்தளத்தின்படி, கப்பல் தற்போது கிழக்கு சீனக் கடலில் தெற்கு ஜப்பான் மற்றும் தைவானின் வடகிழக்கு இடையே உள்ளது.

கொழும்பில் உள்ள இராஜதந்திரிகளின் கூற்றுப்படி, இலங்கை வெளியுறவு அமைச்சகம் 2022 ஜூலை 12, அன்று, யுவான் வாங் 5 கப்பலுக்கு ஹம்பாந்தோட்டை துறைமுகத்திற்குள் நுழைவதற்கான அனுமதியை தெரிவித்து, சீன தூதரகத்திற்கு வாய்மொழி குறிப்பை அனுப்பி​யுள்ளது என்றும் அந்த செய்தியில் தெரிவிக்கப்பட்டுள்ளது.

சீனக் கடற்படையின் நீர்மூழ்கி எதிர்ப்பு நடவடிக்கைகளுக்கு முக்கியமான கடல் படுக்கையை உளவுக் கப்பலால் வரைபடமாக்க முடியும் அதே வேளையில், ஓர் ஆராய்ச்சிக் கப்பலாகக் காட்டப்பட்டதால், ஹம்பாந்தோட்டையில் கப்பல் நிறுத்தப்படுவது குறித்து இந்தியா தனது பாதுகாப்பு கவலைகளை வெளிப்படுத்தியது.

இலங்கைக்கான சீனத் தூதுவர் சிறிலங்கா அரசாங்கத்துடன் இணைந்து செயற்படுவதுடன், கப்பலுக்கு அனுமதி மறுப்பது இருதரப்பு உறவுகளில் தாக்கத்தை ஏற்படுத்தும் என சுட்டிக்காட்டப்பட்டுள்ளது. இந்திய கடற்படையும் அதன் தீவிர பாதுகாப்பு கவலைகளை கொழும்புக்கு தெரிவித்தது.

தீவு நாடு எதிர்கொள்ளும் தற்போதைய பொருளாதார நெருக்கடியை சமாளிக்க இந்தியா இலங்கையுடன் தோளோடு தோள் நிற்கிறது மற்றும் பெட்ரோல், டீசல், இயற்கை எரிவாயு, உணவுப் பொருட்கள் மற்றும் மருந்து அடிப்படையில் 3.5 பில்லியன் அமெரிக்க ​டொலர்களுக்கும் அதிகமான உதவிகளை வழங்கியுள்ளது என்றும் அந்த செய்தியில் தெரிவிக்கப்பட்டுள்ளது.

உளவுக் கப்பலை ஹம்பாந்தோட்டை துறைமுகத்தில் நிறுத்துவதற்கான அனுமதியை ஓகஸ்ட் 5 அன்று, இலங்கை வெளியுறவு அமைச்சகம், ஒத்திவைத்தது என்றும் அந்த செய்தியில் தெரிவிக்கப்பட்டுள்ளது. அத்துடன், முறையான இராஜதந்திர வழிகள் மூலம் சீன வெளியுறவு அமைச்சகத்தின் சக அதிகாரிகளுக்கு எழுத்துப்பூர்வமாக அனுப்பியது.

உளவுக் கப்பலின் வருகையை ஒத்திவைத்துள்ள இலங்கையின் முடிவு, சீனாவின் பலம் இருந்தபோதிலும், அண்டை நாடான இந்தியாவின் பாதுகாப்புக் கரிசனையை அது மதிப்பதாகக் காட்டுகிறது என்றும் ​தெரிவிக்கப்பட்டுள்ளது.