லங்காசிறி FM
யாழில் புலம் பெயர் சுவிஸ் வாழ் நபர் கொடூரமாக கொலை
சுவிற்சர்லாந்து நாட்டில் இருந்து யாழ்ப்பாணத்திற்கு சென்ற நபர் ஒருவர் கொடூரமான முறையில் படுகொலை செய்யப்பட்டு, அவரது நகைகளும் பெருந்தொகைப் பணமும் கொள்ளையடிக்கப்பட்ட சம்பவம் அதிர்ச்சியை ஏற்படுத்தியுள்ளது.
யாழ்ப்பாணம் மானிப்பாய் பொலிஸ் பிரிவுக்கு உட்பட்ட சண்டிலிப்பாய் பகுதியைச் சேர்ந்த நபரே படுகொலை செய்யப்பட்டவராவார்.
வீட்டிலிருந்து கடுமையான தூர்நாற்றம்
நீண்ட காலமாகத் சுவிஸ் நாட்டில் வசித்து வந்த இவர், கடந்த இரண்டு மாதங்களாக விடுமுறையைக் கழிப்பதற்காகச் வந்து தங்கியிருந்துள்ளார்.
கடந்த மே 14ஆம் திகதிக்கு பின்னர் சுவிஸில் இருக்கும் குடும்பத்தினரால் எவ்வித தொடர்புகளையும் ஏற்படுத்திக் கொள்ள முடியாமல் போயுள்ளது.
இதனால் சந்தேகமடைந்த குடும்பத்தினர், நேற்று முன்தினம் சனிக்கிழமை இது குறித்து மானிப்பாய் காவல் நிலையத்திற்குத் தகவல் வழங்கியுள்ளனர்.
தகவலின் அடிப்படையில் குறித்த வீட்டிற்கு விரைந்த காவற்துறையினர், வீட்டிலிருந்து கடுமையான தூர்நாற்றம் வீசியதை அடுத்து, வீட்டின் கதவை உடைத்து உள்ளே சென்று பார்த்துள்ளனர். அங்கு உடலில் பலத்த வெட்டுக் காயங்களுடன் முதியவர் சடலமாகக் கண்டெடுக்கப்பட்டார்.
சடலத்தை மீட்ட காவற்துறையினர், உடற்கூற்றுப் பரிசோதனைக்காக அதனை யாழ்ப்பாணம் போதனா வைத்தியசாலைக்கு அனுப்பி வைத்தனர்.
எனினும், கமராரக்கள் சேதமாக்கப்படுவதற்கு முன்னரான பதிவுகளைக் காவற்துறையினர் ஆய்வு செய்தபோது, கடந்த 14ஆம் திகதி இரவு வேளையில் முகமூடி அணிந்த இருவர் சமையலறை வழியாக வீட்டிற்குள் அத்துமீறி நுழைந்தமை கண்டறியப்பட்டுள்ளது.
வீட்டிற்குள் புகுந்த கொள்ளையர்கள் கண்காணிப்புக் கமராரக்களை முழுமையாகச் செயலிழக்கச் செய்த பின் கொடூரமாகக் கொலை செய்துள்ளனர்.
உடற்கூற்றுப் பரிசோதனை அறிக்கையின்படி, அவரது உடலில் எட்டுக்கும் மேற்பட்ட இடங்களில் கூரிய ஆயுதங்களால் குத்தப்பட்ட மற்றும் வெட்டப்பட்ட அடையாளங்கள் காணப்படுவதாக மருத்துவ வட்டாரங்கள் உறுதிப்படுத்தியுள்ளன.
கொலை செய்த பின்னர், வீட்டில் இருந்த தங்க நகைகள் மற்றும் பெருந்தொகை வெளிநாட்டு, உள்நாட்டுப் பணத்தைக் கொள்ளையடித்துக் கொண்டு கொள்ளையர்கள் தப்பிச் சென்றுள்ளனர்.
இக்கொடூரக் கொலைச் சம்பவம் தொடர்பில் கொலையாளிகளைக் கைது செய்வதற்காக மானிப்பாய் காவற்துறையினரின் வழிகாட்டுதலில், விசேட காவற்துறைப் பிரிவினர் களமிறக்கப்பட்டுத் தீவிர விசாரணைகளை முன்னெடுத்து வருகின்றனர்.
