லங்காசிறி FM
பனிச்சிறுத்தையுடன் செல்ஃபி எடுக்க முயற்சித்த இளம்பெண்ணிற்கு நேர்ந்த கதி
Sahana
வடக்கு சீனாவில் வனவிலங்கு ஒன்றிற்கு மிக அருகில் சென்று செல்ஃபி எடுக்க முயன்ற இளம்பெண் ஒருவர், பனிச்சிறுத்தையின் தாக்குதலுக்கு உள்ளாகி படுகாயமடைந்துள்ளார்.
வடக்கு சீனாவின் ஃபுன்யூன் கவுண்டியில் (Fuyun County) அமைந்துள்ள புகழ்பெற்ற கெகெதுவோஹாய் யுனெஸ்கோ உலக புவியியல் பூங்காவின் (Keketuohai UNESCO Global Geopark) தலட் கிராமப் பகுதியில் இச்சம்பவம் நிகழ்ந்துள்ளது.
பனிச்சறுக்கு வீராங்கனையான அந்தப் பெண், தனது விளையாட்டை முடித்துவிட்டு ஹோட்டலுக்குத் திரும்பிக்கொண்டிருந்தபோது தற்செயலாக ஒரு பனிச்சிறுத்தையைக் கண்டுள்ளார். அதன் அழகில் கவரப்பட்டு, ஆபத்தை உணராமல் அதனுடன் மிகவும் நெருக்கமாகச் சென்று செல்ஃபி எடுக்க முயன்றுள்ளார்.
அப்போது ஆவேசமடைந்த அந்தப் பனிச்சிறுத்தை, மின்னல் வேகத்தில் பாய்ந்து வந்து பெண்ணின் முகத்திலேயே தாக்கியது. அங்கிருந்த பனிச்சறுக்கு பயிற்சியாளர் ஒருவர் உடனடியாகத் தனது பனிச்சறுக்குக் கம்புகளை (Ski Poles) வேகமாக அசைத்து சிறுத்தையை விரட்டியடித்ததால் உயிர்ச் சேதம் தவிர்க்கப்பட்டது.
தாக்குதலின் போது அந்தப் பெண் தலைக்கவசம் (Helmet) அணிந்திருந்ததால், முகம் மற்றும் தலையில் ஏற்படவிருந்த பெரிய காயங்களிலிருந்து தப்பியுள்ளார்.
தற்போது உள்ளூர் மருத்துவமனையில் அனுமதிக்கப்பட்டுள்ள அவர், சீரான உடல்நிலையுடன் சிகிச்சை பெற்று வருவதாக வெளிநாட்டு ஊடகங்கள் தெரிவிக்கின்றன.
வனவிலங்குகளைக் காணும்போது அவற்றுடன் செல்ஃபி எடுக்க முயல்வதோ அல்லது மிக அருகில் செல்வதோ உயிருக்கே ஆபத்தாக முடியும் என அந்நாட்டு உள்ளூர் அதிகாரிகள் மற்றும் காவல்துறை தரப்பினர் பொதுமக்களுக்கு மீண்டும் எச்சரிக்கை விடுத்துள்ளனர்.
காரைநகர் வலந்தலை, காரைநகர், Birmingham, United Kingdom, Croydon, United Kingdom
21 Jan, 2026
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
