லங்காசிறி FM
இந்திய வம்சாவளியினர் - கருப்பினத்தவர் இடையே பதற்றநிலை!
Shankar
தென் ஆப்பிரிக்க முன்னாள் அதிபா் ஜேக்கப் ஜூமா சிறையில் அடைக்கப்பட்டதால் நடைபெறும் கலவரங்கள் தொடா்பாக, அந்த நாட்டின் டா்பன் நகரில் இந்திய வம்சாவளியினருக்கும் கருப்பினத்தவா்களுக்கும் இடையே பதற்றமான சூழ்நிலை ஏற்பட்டுள்ளது.
இதுகுறித்து செய்தி நிறுவனம் ஒன்று தெரிவித்துள்ளதாவது,
ஜேக்கப் ஜூமா சிறையில் அடைக்கப்பட்டதற்கு எதிா்ப்பு தெரிவித்து தென் ஆப்பிரிக்கா முழுவதும் நடைபெற்று வரும் போராட்டங்களின் ஒரு பகுதியாக, க்வாஸுலு நடால் மாகாணம், டா்பன் நகரில் இந்தியா்கள் அதிகம் வசிக்கும் ஃபீனிக்ஸ் புறநகா்ப் பகுதி மற்றும் சுற்றியுள்ள பகுதிகளிலும் சூறையாடல் உள்ளிட்ட வன்முறைச் சம்பவங்கள் நடைபெற்றன.
இதுதொடா்பாக இந்திய வம்சாவளியினரும் கருப்பினத்தவா்களும் பரஸ்பரம் குற்றம் சாட்டி சமூக வலைதளங்களில் பதிவுகள் வெளியிட்டு வருகின்றனா். இதையடுத்து இரு சமூகத்தினருக்கும் இடையே பதற்றம் அதிகரித்து வருகிறது.
அந்தப் பதற்றத்தைத் தணிப்பதற்காக காவல்துறை அமைச்சரும், க்வாஸுலு நடால் மாகாண முதல்வருமான பேகி சிலியை டா்பன் நகருக்கு அதிபா் சிறில் ராமபோஸா வெள்ளிக்கிழமை அனுப்பினாா். முன்னதாக, டா்பன் நகரிலுள்ள எதேக்வினி பகுதி நிலவரத்தை அவா் நேரில் பாா்வையிட்டாா்.
எனினும், பதற்றம் நிறைந்த ஃபீனிக்ஸ், பீட்டா்மரிட்ஸ்பா்க் ஆகிய புறநகா் பகுதிகளுக்கு அவா் செல்லவில்லை. அந்தப் பகுதிகளுக்குச் சென்று நிலைமையை ஆய்வு செய்யுமாறு அமைச்சா் பேகி சிலிக்கு ராமபோஸா உத்தவிட்டுள்ளாா் என்று பிடிஐ செய்தி நிறுவனம் தெரிவித்துள்ளது.
தென் ஆப்பிரிக்காவின் அதிபராக கடந்த 2009 முதல் 2018-ஆம் ஆண்டு வரை பொறுப்பு வகித்த ஜேக்கப் ஜூமா, பல்வேறு ஊழல் குற்றச்சாட்டுகளுக்குள்ளானாா். ஆளும் ஆப்பிரிக்க தேசிய காங்கிரஸின் தலைவராக தற்போதைய அதிபா் சிறில் ராமபோசா தோந்தெடுக்கப்பட்டதைத் தொடா்ந்து, ஜேக்கப் ஜூமாவுக்கு எதிரான நடவடிக்கைகளை அவா் மேற்கொண்டாா்.
அதையடுத்து ஜூமா தனது பதவியை கடந்த 2018-ஆம் ஆண்டு ராஜநாமா செய்தாா். இந்த நிலையில், ஜூமாவுக்கு எதிரான பல்வேறு ஊழல் வழக்குகளில், விசாரணைக்காக நேரில் ஆஜராகுமாறு அரசியல் சாசன நீதிமன்றம் அவருக்கு உத்தரவிட்டிருந்தது.
எனினும், அவா் நேரில் ஆஜராகாததால் நீதிமன்ற அவமதிப்பு செய்ததாக அவருக்கு கடந்த மாதம் 29-ஆம் தேதி 15 மாத சிறைத் தண்டனை விதிக்கப்பட்டது. அதனைத் தொடா்ந்து, கடந்த 7-ஆம் தேதி ஜேக்கப் ஜூமா பொலிஸாரிடம் சரணடைந்தாா். அவா் தற்போது க்வாஸுலு-நடால் மாகாணத்திலுள்ள எஸ்ட்கோா்ட் சிறையில் அடைக்கப்பட்டுள்ளாா்.
இதனைக் கண்டித்து, அவரது ஆதரவாளா்கள் பல்வேறு மாகாணங்களில் வன்முறைப் போராட்டங்களில் ஈடுபட்டனா். அப்போது வன்முறைக் கும்பல்களால் கடைகள் சூறையாடப்பட்டன. இந்தச் சம்பவங்களில் 110-க்கும் மேற்பட்டவா்கள் பலியாகினா்.
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
யாழ் மாதகல் வடக்கு, Jaffna, கொக்குவில் மேற்கு, Scarborough, Canada
22 Jun, 2025
உடுப்பிட்டி, London, United Kingdom, Doncaster, United Kingdom
28 Jun, 2022
ஏழாலை, அளவெட்டி, Toronto, Canada, London, United Kingdom
04 Jul, 2024
