சுமார் 23,760 யூரோ செலவில் கிரேட்டாவிற்கு சிலைவைத்த பிரபல பல்கலைக்கழகம்!

இளம் சூழலியலாளரான கிரேட்டா தன்பெர்க்கின்னை பாராட்டும் வகையில் பிரிட்டனில் உள்ள வின்செஸ்டர் பல்கலைக்கழகம் 23,760 யூரோ செலவில் கிரேட்டாவின் முழு உருவ சிலையை நிறுவியுள்ள சம்பவம் அனைவரையும் பூரிப்பில் ஆழ்த்தியுள்ளது. சுவீடன் நாட்டைச் சேர்ந்த கிரேட்டா தன்பர்க் என்னும் 15 வயது சிறுமி உலகின் பருவநிலை காக்க போராடி தற்போது இளம் சூழலியலாளராக பார்க்கப்படுகிறார்.

இவர் தன்னுடைய பள்ளி நாட்களில் துவங்கிய பருவநிலை காக்க பள்ளி வேலைநிறுத்தம் (School strike for the climate) என்ற இயக்கம் உலக மக்கள் அனைவரது கவனத்தை ஈர்த்தது. கிரேட்டா, ஆட்டிசத்தின் ஒரு வகையான அசுபெர்கர் குறைபாட்டால் பாதிக்கப்பட்டிருந்தாலும், உலகில் உணவுப்பழக்க வழக்கத்தினாலும் உலகம் சூடாகிறது என கூறி சைவ உணவை உண்பது மற்றும் விமான பயணத்தை தவிர்ப்பது என பல வகையிலும் புவி வெப்பமாவதைத் தடுக்க போராடி வருகிறார்.

இந்நிலையில் பிரிட்டனில் உள்ள வின்செஸ்டர் பல்கலைக்கழகம் சுமார் 23,760 யூரோ செலவில் கிரேட்டாவின் முழு உருவ சிலையை நிறுவியுள்ளது. அத்துடன் இந்த சிலை நிறுவியதில் மாணவர்கள் சங்கத்தின் பங்களிப்பும் இருப்பதாக பல்கலைக்கழக நிர்வாகம் தெரிவித்துள்ளது. இந்த நிகழ்வு குறித்து பல்கலைக்கழக வேந்தர் மெகன் பால் கூறியபோது, ‘கிரேட்டா உலக அளவிலான பிரச்சனைகளை குறித்து குரல் எழுப்பி மாணவர்களுக்கு மட்டுமல்லாது எங்களுக்கும் ஒரு ரோல் மாடலாக இருக்கிறார்.

கொரோனா காரணமாக மாணவர்கள் அனைவரும் கல்லூரிகளுக்கு வருவதில்லை. இருப்பினும் சிலைபற்றி கூறியபோது, 23,760 யூரோ மாணவர்கள் மூலமாகக் கிடைத்ததாகவும் அவர் கூறினார். மேலும் கிரேட்டாவைபோல் மற்ற மாணவர்களும் உலக பிரச்சனைகள் குறித்து பேச முன்வரவேண்டும் எனவும் அவர் கூறினார்.