லங்காசிறி FM
உக்ரைன் போருக்கு முக்கிய காரணம் அமெரிக்கா தான்
Praveen
அமைதியை நிலைநாட்ட முயற்சிப்பதாக கூறி மற்ற நாடுகளின் உள்விவகாரங்களில் அமெரிக்கா தலையிடுவதாக, வடகொரியா குற்றம்சாட்டியுள்ளது.
நேட்டோவுக்குள் நுழைவதற்கு எதிர்ப்பு தெரிவித்து உக்ரைன் மீது ரஷ்யா தொடர்ந்து நான்காவது நாளாக தாக்குதல் நடத்தி வருகிறது. ரஷ்ய படைகளுக்கு உக்ரைன் ராணுவம் பதிலடி கொடுத்து வருகிறது. இதனால் இரு தரப்பிலும் பெரும் உயிரிழப்பும், பொருளாதார இழப்பும் ஏற்பட்டது. போரை நிறுத்துங்கள், பேசுங்கள் என்று பல்வேறு நாடுகளும் மக்களை வற்புறுத்தி வருகின்றன.
எனினும் பேச்சுவார்த்தைக்கான சூழ்நிலை இப்போது இல்லை. இரு நாடுகளும் தங்கள் நிலைப்பாட்டில் உறுதியாக இருந்ததால் பேச்சுவார்த்தையில் சிக்கல் ஏற்பட்டது. ரஷ்யா - உக்ரைன் போர் குறித்து வடகொரியா அதிகாரப்பூர்வமாக கருத்து தெரிவிப்பது இதுவே முதல் முறை. இங்கு, ரஷ்யா நடத்திய போருக்கு அமெரிக்கா மீது வடகொரியா குற்றம் சாட்டுகிறது. இந்த தகவல் வடகொரிய வெளியுறவு அமைச்சகத்தின் இணையதளத்தில் வெளியிடப்பட்டுள்ளது. இந்த தகவலை வடகொரிய ஆராய்ச்சியாளர் ஒருவர் வெளியிட்டுள்ளார்.
அதில் கூறியிருப்பதாவது,
பாதுகாப்புக்கான ரஷ்யாவின் நியாயமான கோரிக்கைகளை புறக்கணித்து, இராணுவ மேலாதிக்கத்திற்காக அமெரிக்கா பாடுபடுகிறது. உக்ரைனுடனான ரஷ்யாவின் போருக்கு அமெரிக்காவே ஆதாரமாக இருந்தது. உக்ரைனில் அமெரிக்கா இரண்டு நிலைகளைக் கொண்டுள்ளது.
அமைதியை நிலைநாட்ட முயற்சிப்பதாக கூறி மற்ற நாடுகளின் உள்விவகாரங்களில் அமெரிக்கா தலையிடுகிறது. அது மட்டுமின்றி மற்ற நாடுகள் தங்கள் நாட்டின் பாதுகாப்பை உறுதி செய்ய எடுத்துள்ள நடவடிக்கைகளை காரணமின்றி கண்டிக்கிறது. அமெரிக்கா உலகை ஆண்ட காலம் போய்விட்டது.
இவ்வாறு அதில் கூறப்பட்டுள்ளது.
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
அல்லைப்பிட்டி, கனகராயன்குளம், சென்னை, India, திருச்சி, India
21 Aug, 2020
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
