சவுதி அரேபியாவில் உள்ள கச்சா எண்ணெய் சுத்திகரிப்பு நிலையங்கள், விமான நிலையங்கள் உள்பட பல்வேறு பகுதிகளை குறிவைத்து ஹவுதி கிளர்ச்சியாளர்கள் தாக்குதல் நடத்தி வருகின்றனர்.

இந்த தாக்குதலுக்கு பதிலடியாக ஏமனில் ஹவுதி கட்டுப்பாட்டில் உள்ள பகுதிகள் மீது ஏமன் அரசுப்படையுடன் இணைந்து சவுதியும் தாக்குதல் நடத்தி வருகிறது.

இந்நிலையில், ஏமன் நாட்டின் தலைநகர் சனா அருகே உள்ள அல்-ஷரியா என்ற நகரத்தில் சவுதி படைகள் நடத்திய வான்வழி தாக்குதலில் 22 பேர் உயிரிழந்ததாக தகவல் வெளியாகியுள்ளது.

மேலும் இந்த தாக்குதலில் 30-க்கும் மேற்பட்டவர்கள் படுகாயமடைந்ததாக தெரிவிக்கப்பட்டுள்ளது. முன்னதாக நேற்று ஏமனின் தெற்கு பகுதியில் உள்ள மார்க்கெட் மீது நடத்தப்பட்ட வான்வழி தாக்குதலில் 30 பேர் உயிரிழந்தனர்.

இந்த தாக்குதலுக்கு ஹவுதி கிளர்ச்சியாளர்களும், சவுதி ஆதரவு ஏமன் அரசுப்படைகளும் ஒருவரை ஒருவர் மாறி மாறி குற்றம்சாட்டியிருந்தனர் என்பது குறிப்பிடத்தக்கது.

போலந்து நாட்டின் கிராகோவ் நகரில் உள்ள முக்கியத்துவம் பெற்ற மார்க்கெட் சதுக்கத்திற்கு காரில் வந்த 25 வயதுடைய வாலிபர் ஒருவர் திடீரென துப்பாக்கி சூடு நடத்தியுள்ளார்.

இதில், 4 பெண்கள் உள்பட 6 பேர் பலியாகி உள்ளனர். பலர் காயம் அடைந்துள்ளனர். ந்த தாக்குதலை அந்நாட்டு பிரதமர் டொனால்ட் டஸ்க்கும் உறுதிப்படுத்தி உள்ளார்.

இதில், இங்கிலாந்து நாட்டை சேர்ந்த நபர் ஒருவரும் பலியாகி உள்ளார். இதுதொடர்பாக போலந்து காவல் துறையின் உயரதிகாரி மரிக் போரான் கூறும்போது, போலந்து நாட்டை சேர்ந்த 3 பேர் உள்பட 6 பேர் பலியாகி உள்ளனர்.

அவர்களில் 2 பேரை இன்னும் அடையாளம் காண முடியவில்லை. 2 காவல் அதிகாரிகள் மற்றும் 5 வெளிநாட்டினர் உள்பட 16 பேர் காயமடைந்து உள்ளனர் என கூறியுள்ளார். தொடர்ந்து அதிகாரிகள் விசாரித்து வருகின்றனர் என்றார்.