Canadamirror - Canadia Tamil News Website | Canada Latest News | Latest Breaking News Online | Daily Canadian Tamil News| Indian and World News https://canadamirror.com/ https://assets.ibcstack.com/web/bravo/cm/img/logo.png 2026-11-15T19:37:14+00:00 Kamal <![CDATA[கனடிய விமானப் பயணிகளுக்கு விசேட அறிவுறுத்தல்]]> https://canadamirror.com/article/what-can-canadians-do-to-protect-themselves-1794743547 சாதாரண விமானப் பயணம் ஒன்று திடீரெனப் பயங்கரக் கனவாக மாறினால் என்ன நடக்கும்? விமான நிலைய ஊழியர்களால் உங்கள் பயணப் பொதி தொலைந்து போவதுதான் மிக மோசமான வி... சாதாரண விமானப் பயணம் ஒன்று திடீரெனப் பயங்கரக் கனவாக மாறினால் என்ன நடக்கும்? விமான நிலைய ஊழியர்களால் உங்கள் பயணப் பொதி தொலைந்து போவதுதான் மிக மோசமான விடயம் என நீங்கள் நினைத்தால், அது தவறு. பயணிகளின் பெயரில் போதைப்பொருட்களைக் கடத்தும் பாரிய மோசடி ஒன்றினால், அப்பாவிப் பயணிகள் வெளிநாட்டுச் சிறைகளில் தள்ளப்படும் அதிர்ச்சித் தகவல்கள் ஊடகங்களில் வெளியிடப்பட்டுள்ளன.

ஊழல் நிறைந்த விமான நிலைய ஊழியர்கள், அப்பாவிப் பயணிகளின் பயணப் பொதிகளில் ஒட்டப்பட்டுள்ள அடையாளத் துண்டை அகற்றி, அதனைப் போதைப்பொருட்கள் நிரப்பப்பட்ட வேறொரு சூட்கேஸில் ஒட்டிவிடுகின்றனர்.

இதனால், போதைப்பொருள் அடங்கிய பொதி அப்பாவிப் பயணியின் பெயரில் எந்தச் சந்தேகமுமின்றி கண்டம் விட்டுக் கண்டம் பயணிக்கிறது. இவ்வாறான 24-க்கும் மேற்பட்ட சம்பவங்களை அடையாளம் கணப்பட்டுள்ளது.

இந்த மோசடியில் சிக்கிய கனடியப் பயணிகள் பலர், "அது என்னுடைய பை அல்ல" என்ற வாதத்தைக் காதுகொடுத்துக் கேட்காத வெளிநாட்டுப் பொலிஸாரால் கைது செய்யப்பட்டுச் சிறைத்தண்டனை அனுபவித்துள்ளனர்.

இந்தப் பிரச்சினைக்குத் தீர்வு காண அரசாங்கம் புதிய சட்டங்களை உருவாக்க முயற்சித்து வரும் நிலையில், சட்டங்களை விட மிக எளிமையானதும் மலிவானதுமான ஒரு தொழில்நுட்பத் தீர்வு தன்னிடம் உள்ளதாக மொன்றியலைச் சேர்ந்த பில் ட்ரோரி என்பவர் தெரிவித்துள்ளார்.

பொலிஸ் தடயப் பொருட்களைப் பாதுகாக்கப் பயன்படுத்தப்படும் 'டேம்பர்கார்ட்' நிறுவனத்தை நடத்தி வரும் ட்ரோரி, 10 ஆண்டுகளுக்கு முன்னரே 'மாற்ற முடியாத பயணப் பொதித் ஒன்றை உருவாக்கியுள்ளார். சாதாரண பொதித் துண்டுகளைப் பலமுறை கழற்றி மீண்டும் ஒட்ட முடியும்.

ஆனால், ட்ரோரியின் இந்தப் புதிய பொதித் துண்டை ஒருமுறை கழற்றினாலே அதில் செல்லுபடியற்றது என்ற வாசகம் தோன்றுவதுடன், அதன் பசையும் முற்றாக நீங்கிவிடும். இதனால் அதனை மீண்டும் வேறொரு பையில் ஒட்டவே முடியாது. 

]]> 2026-11-15T18:21:29+00:00 Kamal <![CDATA[கனடாவில் சந்தேக நபரை தேடி வரும் பொலிஸார்]]> https://canadamirror.com/article/windsor-police-search-for-suspect-in-serious-1794745758 கனடாவின் வின்ட்சர் நகரில் நள்ளிரவில் இடம்பெற்ற தாக்குதல் சம்பவமொன்றில் நபர் ஒருவர் படுகாயமடைந்ததைத் தொடர்ந்து, சந்தேகநபரை அடையாளம் காண்பதற்குப் பொதுமக... கனடாவின் வின்ட்சர் நகரில் நள்ளிரவில் இடம்பெற்ற தாக்குதல் சம்பவமொன்றில் நபர் ஒருவர் படுகாயமடைந்ததைத் தொடர்ந்து, சந்தேகநபரை அடையாளம் காண்பதற்குப் பொதுமக்களின் உதவியை வின்ட்சர் பொலிஸார் நாடியுள்ளனர்.

கடந்த நவம்பர் 8ஆம் திகதி அதிகாலை 2:30 மணியளவில், பெலிசியர் வீதி மற்றும் மேற்கு சதாம் வீதி ஆகியவற்றுக்கு அருகில் இரண்டு குழுக்களுக்கு இடையே வாக்குவாதம் மற்றும் மோதல் ஏற்பட்டுள்ளது.

இதன்போது எதிர் தரப்பைச் சேர்ந்த ஒருவர் தாக்கியதில், நபர் ஒருவரின் முகத்தில் பலத்த காயம் ஏற்பட்டுள்ளது.

உயிருக்கு ஆபத்தற்ற நிலையில் அவர் படுகாயமடைந்துள்ளதாகப் பொலிஸார் தெரிவித்துள்ளனர்.

தாக்குதலைத் தொடர்ந்து சந்தேகநபரின் குழுவினர் ஓலெட் அவென்யூ வழியாகத் தெற்கு நோக்கித் தப்பிச் சென்றுள்ளனர்.

தேடப்படும் சந்தேகநபரின் விபரங்களை பொலிஸார் வெளியிட்டுள்ளனர். 20 முதல் 30 வயதுக்குட்பட்ட, மாநிறம் கொண்ட கறுப்பின ஆண் எனவும், நீளமான சடைமுடியை போனிடெயில் பாணியில் கட்டியிருந்தார் எனவும் கறுப்பு நிற டி-ஷேர்ட், பழுப்பு நிற ஜாக்கெட், சாம்பல் நிற காற்சட்டை, கறுப்பு நிறக் காலணிகள் மற்றும் கழுத்தில் சங்கிலி அணிந்திருந்தார்.

சந்தேகநபர் தொடர்பான தகவல்களை அறிந்தவர்கள் வின்ட்சர் பொலிஸாரைத் தொடர்பு கொள்ளுமாறு கேட்டுக்கொள்ளப்பட்டுள்ளனர். 

]]> 2026-11-15T17:30:02+00:00 Kamal <![CDATA[கட்டுமானத் தளத்திற்குள் டெஸ்லா கார் புகுந்த விபத்து: இருவர் பலி!]]> https://canadamirror.com/article/2-construction-workers-die-after-being-hit-1794745197 கனடாவின் பிக்கரிங் நகரில் உள்ள கட்டுமானத் தளமொன்றிற்குள் டெஸ்லா கார் ஒன்று கட்டுப்பாட்டை இழந்து புகுந்ததில் படுகாயமடைந்த இரண்டு பணியாளர்கள் சிகிச்சை ப... கனடாவின் பிக்கரிங் நகரில் உள்ள கட்டுமானத் தளமொன்றிற்குள் டெஸ்லா கார் ஒன்று கட்டுப்பாட்டை இழந்து புகுந்ததில் படுகாயமடைந்த இரண்டு பணியாளர்கள் சிகிச்சை பலனின்றி உயிரிழந்துள்ளனர்.

வெள்ளிக்கிழமை காலை 11 மணியளவில் 'ஷாப்ஸ் அட் பிக்கரிங் சிட்டி சென்டர்' வணிக வளாகத்தின் வாகனத் தரிப்பிடத்தில் 75 வயது முதியவர் ஒருவர் டெஸ்லா காரைச் செலுத்திக் கொண்டிருந்தார்.

அப்போது திடீரெனக் கட்டுப்பாட்டை இழந்த கார், வேலியை உடைத்துக்கொண்டு அருகிலிருந்த கட்டுமானத் தளத்திற்குள் புகுந்துள்ளது.

இந்த விபத்தில் அங்குப் பணியாற்றிக் கொண்டிருந்த 58 வயது ஆண் ஒருவரும், 21 வயதுப் பெண் ஒருவரும் காரில் மோதி உயிருக்கு ஆபத்தான நிலையில் படுகாயமடைந்தனர்.

உடனடியாக மருத்துவமனையில் அனுமதிக்கப்பட்ட இருவரும் உயிரிழந்துவிட்டதாகப் பொலிஸார் சனிக்கிழமை உறுதிப்படுத்தியுள்ளனர். உயிரிழந்தவர்களின் அடையாளங்கள் இதுவரை வெளியிடப்படவில்லை.

விபத்தை ஏற்படுத்திய 75 வயதுடைய டெஸ்லா கார் சாரதி சிறு காயங்களுடன் மருத்துவமனையில் அனுமதிக்கப்பட்டுள்ளார்.

இந்த விபத்திற்கான காரணம் குறித்துப் பொலிஸார் தீவிர விசாரணைகளை முன்னெடுத்து வருகின்றனர்.  

]]> 2026-11-15T16:30:15+00:00 Kamal <![CDATA[வான்கூவர் ஸ்கைட்ரெயின் நிலையத்தில் ஆயுதங்களுடன் நடமாடிய நபர் கைது!]]> https://canadamirror.com/article/man-allegedly-armed-with-a-knife-onboard-1794743973 கனடாவின் வான்கூவர் நகரில் உள்ள ஸ்கைட்ரெயின் ரயில் நிலையத்தில் கத்தியுடன் நடமாடிய நபர் ஒருவர், பொலிஸாரால் மின் அதிர்ச்சித் துப்பாக்கி பயன்படுத்திக் கைத... கனடாவின் வான்கூவர் நகரில் உள்ள ஸ்கைட்ரெயின் ரயில் நிலையத்தில் கத்தியுடன் நடமாடிய நபர் ஒருவர், பொலிஸாரால் மின் அதிர்ச்சித் துப்பாக்கி பயன்படுத்திக் கைது செய்யப்பட்டுள்ளார்.

வெள்ளிக்கிழமை மாலை சுமார் 5 மணியளவில் கிடைத்த தகவலையடுத்து, மெட்ரோ வான்கூவர் போக்குவரத்துப் பொலிஸாரின் உதவியுடன் கிங் எட்வர்ட் நிலையத்தில் குறித்த நபரை வான்கூவர் பொலிஸார் கண்டறிந்தனர்.

பொலிஸாரின் உத்தரவுகளுக்கு அந்நபர் கீழ்ப்படிய மறுத்ததையடுத்து, மின் அதிர்ச்சித் துப்பாக்கி பிரயோகிக்கப்பட்டு அவர் கைது செய்யப்பட்டதாக வான்கூவர் பொலிஸார் வெளியிட்டுள்ள அறிக்கையில் தெரிவிக்கப்பட்டுள்ளது.

பொலிஸ் குழுவொன்று அந்நபரைத் தரையில் படுக்குமாறு உத்தரவிடுவதும், பின்னர் மின் அதிர்ச்சித் துப்பாக்கியைப் பயன்படுத்தி அவரைக் கட்டுப்பாட்டுக்குள் கொண்டு வருவதும் காணொளியில் பதிவாகியுள்ளது.

கைது செய்யப்பட்ட நபரிடமிருந்து கத்தி ஒன்று, தடி மற்றும் போலித் துப்பாக்கி ஆகியவற்றைப் பொலிஸார் பறிமுதல் செய்துள்ளனர்.

தற்போது பொலிஸ் தடுப்புக் காவலில் வைக்கப்பட்டுள்ள அந்நபருக்கு எதிராகக் குற்றச்சாட்டுகளைப் பதிவு செய்யப் பொலிஸார் பரிந்துரைத்துள்ளதோடு, சம்பவம் தொடர்பான மேலதிக விசாரணைகளையும் முன்னெடுத்து வருகின்றனர். 

]]> 2026-11-15T14:30:47+00:00 Kamal <![CDATA[கருணைக்கொலைக்கு விண்ணப்பிக்கப் போவதாக எச்சரிக்கும் பெண்]]> https://canadamirror.com/article/ant-to-die-quebec-woman-begs-for-endometriosis-1794744824 கனடாவின் கியூபெக் மாகாணத்தில் 'எண்டோமெட்ரியோசிஸ்' எனப்படும் தீவிர நோயால் பாதிக்கப்பட்டுள்ள 40 வயதுப் பெண் ஒருவர், அறுவை சிகிச்சைக்கான நீண்ட காத்திருப்... கனடாவின் கியூபெக் மாகாணத்தில் 'எண்டோமெட்ரியோசிஸ்' எனப்படும் தீவிர நோயால் பாதிக்கப்பட்டுள்ள 40 வயதுப் பெண் ஒருவர், அறுவை சிகிச்சைக்கான நீண்ட காத்திருப்பு மற்றும் தாங்க முடியாத வலியால், இன்னும் சில மாதங்களில் தனக்கு அறுவை சிகிச்சை செய்யப்படாவிட்டால் மருத்துவ உதவியுடன் மரணிப்பதற்கு விண்ணப்பிக்கப் போவதாகத் தெரிவித்துள்ளார்.

மொன்றியலின் மேற்குத் தீவில் உள்ள சென்னெவில் பகுதியைச் சேர்ந்த சஹ்ரா நொரூசியார்டகி என்பவரே இவ்வாறு தனது வேதனையை வெளிப்படுத்தியுள்ளார்.

கிட்டத்தட்டத் தனது வாழ்நாள் முழுவதும் கடுமையான இடுப்பு வலி, அதிக இரத்தப்போக்கு மற்றும் செரிமானப் பிரச்சினைகளால் சஹ்ரா அவதிப்பட்டு வந்துள்ளார்.

பல நிபுணர்களைச் சந்தித்தும், ஸ்கேன் பரிசோதனைகளை மேற்கொண்டும் மருத்துவர்கள் அவரது வலியைச் சாதாரணமானது எனப் புறக்கணித்து வந்துள்ளனர்.

சுமார் பத்து ஆண்டுகாலப் போராட்டத்திற்குப் பின்னர், கடந்த ஆண்டு மேற்கொள்ளப்பட்ட கருப்பை நீக்க அறுவை சிகிச்சைக்குப் பிறகே அவருக்கு எண்டோமெட்ரியோசிஸ் பாதிப்பு இருப்பது கண்டறியப்பட்டது. ஆனால், அந்த அறுவை சிகிச்சைக்குப் பின்னர் அவரது வலி மேலும் தீவிரமடைந்துள்ளது.

பல் சுகாதார நிபுணராகப் பணியாற்றி வந்த அவர், தற்போது வேலையை இழந்து வீட்டிற்குள்ளேயே முடங்கியுள்ளார். இரவில் சுமார் மூன்று மணிநேரம் மட்டுமே உறங்கும் அவர், கைத்தடி மற்றும் முழங்கால் தாங்கியின் உதவியுடனேயே நடமாடுகிறார்.

வலியைக் குறைக்கத் தினமும் சுமார் நான்கு மணிநேரம் தரையில் படுத்து வயிற்றில் சுடுநீர் ஒத்தடம் கொடுத்து வருகிறார்.

கருப்பைக்கு வெளியே வளர்ந்துள்ள திசுக்களை அகற்றுவதற்கான அறுவை சிகிச்சைக்காக சஹ்ரா காத்திருக்கிறார். கடந்த ஜூன் 23ஆம் திகதி அவரது அறுவை சிகிச்சை 'P3' முன்னுரிமைப் பட்டியலில் சேர்க்கப்பட்டது; அதன்படி 90 நாட்களுக்குள் அறுவை சிகிச்சை செய்யப்பட்டிருக்க வேண்டும். ஆனால், 140 நாட்களுக்கும் மேலாகியும் அறுவை சிகிச்சை நடைபெறவில்லை.

வலி தாங்க முடியாமல் பலமுறை அவசர சிகிச்சைப் பிரிவுக்குச் சென்று மன்றாடியபோதும், "குடல் வெடிக்கவில்லை" அல்லது "உயிருக்கு ஆபத்தான அவசர நிலை இன்னும் ஏற்படவில்லை" எனக் கூறி மருத்துவர்கள் அறுவை சிகிச்சையை மறுப்பதாக அவர் குற்றம் சாட்டியுள்ளார்.

இன்னும் இரண்டு அல்லது மூன்று மாதங்களுக்குள் எனக்கு அறுவை சிகிச்சை நடைபெறாவிட்டால், மருத்துவ உதவியுடன் மரணிப்பதற்கு விண்ணப்பிப்பேன். நான் இறக்க விரும்புகிறேன்; இப்படியொரு வாழ்க்கையை வாழ விரும்பவில்லை. இது ஒரு வாழ்க்கையே அல்ல" என உருக்கமாகத் தெரிவித்துள்ளார். 

]]> 2026-11-15T14:30:44+00:00 Kamal <![CDATA[சஸ்காட்செவான் மாகாணத்தில் பறவைக் காய்ச்சல் பரவல்!]]> https://canadamirror.com/article/avian-flu-detected-at-several-saskatchewan-1794742805 &nbsp;கனடாவின் சஸ்காட்செவான் மாகாணத்தில் உள்ள பல வர்த்தக ரீதியற்ற பண்ணைகள் மற்றும் மூஸ் ஜோ நகரில் இம்மாத ஆரம்பத்தில் நடைபெற்ற கோழிக் கண்காட்சி ஒன்றில்...  கனடாவின் சஸ்காட்செவான் மாகாணத்தில் உள்ள பல வர்த்தக ரீதியற்ற பண்ணைகள் மற்றும் மூஸ் ஜோ நகரில் இம்மாத ஆரம்பத்தில் நடைபெற்ற கோழிக் கண்காட்சி ஒன்றில் பறவைக் காய்ச்சல் தொற்று கண்டறியப்பட்டுள்ளதாக கனடிய உணவுப் பரிசோதனை முகவரகம் அறிவித்துள்ளது.

கடந்த நவம்பர் 7ஆம் திகதி மூஸ் ஜோவில் நடைபெற்ற கோழிக் கண்காட்சியுடன் தொடர்புடைய தீவிரமான பறவைக் காய்ச்சல் தொற்று பதிவாகியுள்ளதாக கனடிய உணவுப் பரிசோதனை முகவரகம் அறிவித்துள்ளது.

இந்நிலையில், சஸ்காட்செவான் கோழி வளர்ப்பாளர் சங்கம் வெள்ளிக்கிழமை இது குறித்த தகவலைப் பகிர்ந்துள்ளது.

குறித்த கண்காட்சியில் பறவைகளைக் காட்சிப்படுத்தியவர்கள், விற்பனை செய்தவர்கள் அல்லது கொள்வனவு செய்தவர்கள் உடனடியாக 1-403-338-5225 என்ற CFIA-இன் நோய்வாய்ப்பட்ட பறவைகளுக்கான அவசர அழைப்பு இலக்கத்தைத் தொடர்பு கொள்ளுமாறு கேட்டுக்கொள்ளப்பட்டுள்ளனர்.

பறவைகளை வாங்கவோ விற்கவோ இல்லாமல் கண்காட்சியில் மட்டும் கலந்துகொண்டவர்களும், தங்களது வீடுகளில் வளர்க்கும் பறவைகளுக்கு நோய் அறிகுறிகள் தென்படுகின்றனவா என்பதை அவதானிக்குமாறு அறிவுறுத்தப்பட்டுள்ளனர்.

இந்த வைரஸ் 2 முதல் 14 நாட்களுக்குள் அறிகுறிகளை வெளிப்படுத்தக்கூடியது எனவும், ஏனைய பறவைகளுக்கும் மிக விரைவாகப் பரவக்கூடியது எனவும் கனடிய உணவுப் பரிசோதனை முகவரகம் தெரிவித்துள்ளது.

சோர்வுநிலை மற்றும் பசியின்மை, கண்கள் வீங்குதல் மற்றும் சுவாசக் கோளாறுகள், முட்டை உற்பத்தி குறைதல் அல்லது திடீர் மரணம் போன்ற அறிகுறிகள் பறவைகளிடம் தென்பட்டால் அவதானமாக இருக்க வேண்டுமென தெரிவிக்கப்பட்டுள்ளது.

இந்தச் சம்பவங்களில் மொத்தமாக எத்தனை பறவைகள் பாதிக்கப்பட்டுள்ளன என்பது குறித்தோ அல்லது நோயைக் கட்டுப்படுத்த எடுக்கப்பட்டுள்ள நடவடிக்கைகள் குறித்தோ இதுவரை உத்தியோகபூர்வ தகவல்கள் வெளியிடப்படவில்லை. 

]]> 2026-11-15T14:30:27+00:00