ஜனநாயக கட்சி வேட்பாளர் போட்டியில் மேலும் ஒரு பெண் எம்.பி!

Report

அமெரிக்க ஜனாதிபதி தேர்தலில், ஜனநாயக கட்சி வேட்பாளர் பட்டியலில் செனட் சபை பெண் எம்.பி. எலிசபெத் வாரனும் போட்டியிட போவதாக அதிகாரபூர்வமாக அறிவித்தார்.

குறித்த, அமெரிக்க ஜனாதிபதி தேர்தல் அடுத்த ஆண்டு நவம்பர் 3-ந் தேதி நடக்க உள்ளது. இந்த தேர்தலில் குடியரசு கட்சி சார்பில் மீண்டும் தற்போதைய ஜனாதிபதி டிரம்ப் போட்டியிடுவார் என எதிர்பார்க்கப்படுகிறது.

ஜனநாயக கட்சி சார்பில் வேட்பாளர் ஆவதற்கு பலத்த போட்டி நிலவுகிறது. இதில், இந்திய வம்சாவளி பெண்கள் எம்.பி. துளசி கப்பார்டும் மற்றும் எம்.பி. கமலா ஹாரிஸ் ஏற்கனவே தான் வேட்பாளர் போட்டியில் இருப்பதாக அறிவித்திருந்தனர்.

இந்த நிலையில், செனட் சபை பெண் எம்.பி. எலிசபெத் வாரனும் (வயது 69) வேட்பாளர் போட்டியில் தானும் இருப்பதாக தகவல் தெரிவித்துள்ளார்.

குறித்த அறிவிப்பு தொடர்பாக, மசாசூ செட்ஸ் மாகாணம், லாரன்சில் உள்ள தனது வீட்டில் வைத்து நேற்று முன் தினம் அதிகாரபூர்வமாக கூறினார்.

அப்போது அவர், வாஷிங்டனில் பணக்காரர்களிடம் இருந்தும், நல்ல தொடர்புகளை ஏற்படுத்தி கொண்டுள்ளவர்களிடமும் இருந்து அதிகாரத்தை எடுத்து, அவை யாருக்கு சேர வேண்டுமோ அவர்களின் கையில் ஒப்படைக்க வேண்டிய தேவை எழுந்துள்ளது என குறிப்பிட்டார்.

1469 total views