போரில் பெண்கள் - சிறுமிகளை வன்புணர்ந்த இராணுவம்! ஐ.நா. அதிர்ச்சி தகவல்

Report
90Shares

தெற்கு சூடானில் கிளர்ச்சியாளர்கள் வசம் இருந்த கிராமங்கள் மீது அரசுப் படைகள் தாக்குதல் நடத்தியபோது, அங்குள்ள நூற்றுக்கணக்கான பெண்கள் மற்றும் சிறுமிகள் வன்புணர்வுக்கு உட்படுத்தப்பட்டுள்ளனர் என்று ஐ.நா. குற்றம்சாட்டியுள்ளது.

தெற்கு சூடானில் அரசுப் படைக்கும் கிளர்ச்சிப் படைகளுக்கும் இடையே கடந்த 5 ஆண்டுகளுக்கும் மேலாக உள்நாட்டுப் போர் நடைபெற்று வருகிறது

கிளர்ச்சிப் படைகளிடம் உள்ள கிராமங்களைக் கைப்பற்றுவதற்காக அரசுப் படைகள் மற்றும் ஆதரவு படைகள் உக்கிரமான தாக்குதலை நடத்தி வருகின்றன. இந்தச் சண்டையின் போது போர் விதிமீறல்கள் நடைபெறுவதாக மனித உரிமை அமைப்புகள் குற்றம்சாட்டி வருகின்றன.

இந்த நிலையில், தெற்கு சூடானில் உள்நாட்டுப் போரினால் ஏற்பட்ட விளைவுகள் மற்றும் பாதிப்புகள் குறித்து ஐ.நா. மனித உரிமைகள் அலுவலகம் வெளியிட்டுள்ள அறிக்கை அதிர்ச்சி அளிப்பதாக உள்ளது.

அந்த அறிக்கையில், தெற்கு சூடானில் கிளர்ச்சியாளர்கள் வசம் இருந்த கிராமங்கள் மீது அரசுப் படைகள் மற்றும் அதன் ஆதரவுப் படைகள் தாக்குதல் நடத்தியதில் 232 பேர் கொல்லப்பட்டதாகவும், தாக்குதலின் போது 120 பெண்கள் மற்றும் சிறுமிகள் பாலியல் வன்புணர்வுக்கு உட்படுத்தப்பட்டதாக தெரிவிக்கப்பட்டுள்ளது.

யூனைட்டி மாநிலத்தில் கடந்த ஏப்ரல் 16 ஆ-ம் திகதி முதல் மே 24- ஆம் திகதி வரை நடைபெற்ற இந்த அட்டூழியங்களுக்கு மூன்று ராணுவ அதிகாரிகளே பொறுப்பாளிகள் என ஐ.நா. விசாரணையில் தெரியவந்துள்ளதாகவும் தெரிவிக்கப்பட்டுள்ளது.

3803 total views