பேருந்து பள்ளத்தில் கவிழ்ந்து விபத்திற்குள்ளானதில் 50 பேர் உயிரிழப்பு

Report
8Shares

கென்யாவில் பேருந்து கவிழ்ந்து விபத்துக்குள்ளானதில் 50 பேர் பரிதாப உயிரிழந்துள்ளனர். விபத்தில் காயமடைந்தவர்களை மீட்கும் பணி தீவிரப்படுத்தப்பட்டுள்ளது.

கென்யா தலைநகர் நைரோபியில் இருந்து மேற்கு பகுதியில் உள்ள காகமேகா நோக்கி பேருந்து ஒன்று உள்ளூர் நேரப்படி அதிகாலை 1 மணிக்கு சென்று கொண்டிருந்தது. இதில் 52க்கும் மேற்பட்ட பயணிகள் இருந்தனர். பேருந்து கெரிச்சோ கவுண்டி பகுதியில் சென்றுக் கொண்டிருக்கும் பொழுது எதிர்ப்பாரத விதமாக பள்ளத்தில் கவிழ்ந்து விபத்திற்கு உள்ளானது. இந்த விபத்தில் 50 பேர் பலியாகினர். பேருந்தின் மேற்கூரை உடைந்து நொறுங்கியது.

தகவல் அறிந்து மீட்புக்குழுவினர் அங்கு விரைந்து சென்று விபத்தில் உயிரிழந்தவர்களின் உடல்களை மீட்டு மருத்துவமனைக்கு அனுப்பி வருகின்றனர். காயமடைந்தவர்களுக்கு அருகிலுள்ள மருத்துவமனையில் சிகிச்சை அளிக்கப்பட்டு வருகிறது.

ஒவ்வொரு ஆண்டும் கென்யாவில் சாலை விபத்துகளில் 3 ஆயிரம் பேர் பலியாகின்றனர். இந்த எண்ணிக்கை 12 ஆயிரம் வரை அதிகரித்துள்ளது என உலக சுகாதார அமைப்பு தெரிவித்துள்ளது.

823 total views