வர்த்தகம் கிடையாது - ஒப்பந்தம் ரத்து! சிக்கலில் சீனா!

Report

அமெரிக்கா -சீனா இடையிலான உறவு மிகக் கடுமையாக பாதிக்கப்பட்டு உள்ளதால், அந்நாட்டோடு இனி இரண்டாம் கட்ட வர்த்தக ஒப்பந்தத்துக்கு வாய்ப்பு முற்றிலும் நசிந்து விட்டதாக அமெரிக்க அதிபர் டொனால்டு டிரம்ப் தெரிவித்துள்ளார்.

அமெரிக்கா மற்றும் சீனா இடையில் இந்த ஆண்டு துவக்கத்தில் நடந்த சுமுக பேச்சு வார்த்தையை தொடர்ந்து இரு நாடுகளுக்கும் இடையே, மாபெரும் வர்த்தக ஒப்பந்தம்ஆனது கையெழுத்தானது.

இதன் தொடர்ச்சியாகவே 2ம் கட்ட ஒப்பந்தமும் விரைவில் கையெழுத்தாகும் என்று எதிர்பார்க்கப்பட்டநிலையில், சீனாவில் கொரோனா தொற்றுபரவ ஆரம்பித்தது.

உலகம் முழுதும் பரவிய இத்தொற்று பெரும் பாதிப்புகளை ஏற்படுத்தி வரும் நிலையில் இந்த விவகாரத்தை சீனா சரியாக கையாள வில்லை என்று அமெரிக்கா அதன் மீது குற்றம்சாட்டியது.

இந்நிலையில் அமெரிக்க அதிபர் டிரம்ப் இது குறித்து கூறுகையில்,

கொரோனா தொற்று, உலகம் முழுதுமே பரவாமல் அதனை சீனா தடுத்து நிறுத்தி இருக்க முடியும்.ஆனால், அதை அவர்கள் செய்யவில்லை. மாறாக வூஹான் நகரில் இருந்து, சீனாவின் மற்ற பகுதிகளுக்கு பரவாமல் தடுப்பதில் மட்டுமே கவனம் செலுத்தினர்.

இவ்வாறான நிலையில் அமெரிக்கா - சீனா இடையிலான உறவு மிகக் கடுமையாக பாதிக்கப்பட்டு உள்ளது. அதனால் அவர்களுடன் இனி 2ம்-கட்ட வர்த்தக ஒப்பந்தம் என்பது இப்போதைக்கு வாய்ப்பே கிடையாது என ட்ரம்ப் கூறினார்.

டிரம்பின் இந்த அறிவிப்பால் சீனாவின் பொருளாதாரத்தில் மேலும் ஒரு அடி விழுந்துள்ளதாகவும் மிகப்பெரிய ஒப்பந்தமானது கை நழுவி சென்றுவிட்டதாக தகவல்கள் வெளியாகின்றது.

மேலும் இது சீனாவிற்கு பெருத்த பொருளாதார சேதம் என்றும் உலக வல்லுனர்கள் கணிக்கின்றனர்.

23131 total views