அமெரிக்க பெண் என கூறி இந்திய பெண்ணிடம் 40 லட்சம் கொள்ளை!

தான் ஒரு அமெரிக்க பெண் என கூறி ஒரு பெண் இந்தியரிடமிருந்து ரூ40 லட்சத்தை கொள்ளயடித்த சம்பவம் ஒன்று இந்திய மகாராஷ்டிரா மாநிலத்தின் நாக்பூர் பகுதியில் நிகழ்ந்துள்ளது.

நாக்பூரில் இந்து கோவிலில் பூசாரியாக பணியாற்றி வருபவர் சுசில் இவர் கடந்த 2019ஆம் ஆண்டு தனக்கு பெண் பார்ப்பதற்காக மேட்ரிமோனி ஒன்றில் விளம்பரம் வெளியிட்டிருந்தார்.

அந்த விளம்பரம் மூலம் அவருக்கு அமெரிக்காவை சேர்ந்த இந்தியா வம்சாவளி பெண் என குறிப்பிடப்பட்ட சுசித்தா தாஸ் என்ற பெண் ஒருவர் அறிமுகமாகியுள்ளார். இவர்கள் தங்கள் போன் நம்பர்களை பரிமாறிக்கொண்டு பல நாட்களாக போனில் பேசி வந்துள்ளனர்.

இந்நிலையில், சுசில் தன்னை திருமணம் செய்து கொள்ளும்படி சுசித்தா தாஸிடம் கேட்டுள்ளார். அவரும் சம்மதித்த நிலையில், இருவரும் காதலித்து வந்துள்ளனர். இதற்கிடையில் கொரோனா வந்ததால் இவர்கள் சந்திப்பு நிகழாமல் இருந்துள்ளது.

இவர்கள் போன் மூலமே தஙகள் காதலனை வளர்த்துள்ளனர். இவர்கள் பேசும் போது சுசில், சுசித்தா தாஸிடம் தனக்கு ஒரு அமெரிக்க செல்போன் வேண்டும் என கேட்டுள்ளார். அவரும் அதை வாங்கி அனுப்புவதாக தெரிவித்துள்ளார்.

அதன் பின் சுசித்தா சுசிலிடம் அவருக்கு ஒரு லட்சம் அமெரிக்க டொலர் பணம், ஒரு செல்போன் மற்றும் இவர்கள் வீடியோ கோல்பேச ஒரு லெப்டொப் ஆகியவற்றை அனுப்பி வைப்பதாக கூறியுள்ளார். அதை பெற கொஞ்சம் வரி செலவாகும் அதை மட்டும் கட்டிவிட்டு எடுக்கும்படி கேட்டுள்ளார்.

இந்நிலையில், கடந்த சில நாட்களுக்கு முன்பு இவருக்கு கஸ்டம்ஸ் ஒபிசர் என ஒருவர் போன் செய்து அவருக்கு வரி கட்டுமாறு கூறி பணம் கேட்டுள்ளார். அவர் கூறிய வங்கி கணக்கிற்கு எல்லாம் பணம் செலுத்திய சுசிலுக்கு கடைசியில் பார்சல் வரவில்லை, சுசித்தாவையும் தொடர்பு கொள்ள முடியவில்லை.

அதன் பின்பு தான் தான் ஏமாற்றபட்டதே அவருக்கு தெரிந்துள்ளது. அதன் பின்னர் இது குறித்து பொலிஸார் வழக்குப்பதிவு செய்து விசாரித்த போது இந்த சம்பவத்திற்கு பின்னால் 16 பேர் இருப்பதாகவும் அதில் ஒருவர் அமெரிக்கவைச் சேர்ந்தவர் என்பதும் தெரியவந்தது. இந்த சம்பவம் தற்போது சமூகவலைத்தளங்களில் வைரலாக பரவி வருகிறது.