லங்காசிறி FM
ஹமாஸ் ராணுவ தளபதியை குறிவைத்து இஸ்ரேல் வான்தாக்குதல் நடத்தியதில் 71 பேர் பலி
Sahana
ஹமாஸ் ராணுவ தளபதியை குறிவைத்து இஸ்ரேல் வான்வழித் தாக்குதல் நடத்தியதில் 71 பாலஸ்தீனியர்கள் கொல்லப்பட்டதாக காசா சுகாதார அதிகாரிகள் தெரிவித்துள்ளனர்.
கடந்த ஆண்டு அக்டோபர் 7ஆம் திகதி இஸ்ரேல் மீது ஹமாஸ் திடீர் தாக்குதல் நடத்தியது. 1,200 பேர் கொல்லப்பட்டனர். 250க்கும் மேற்பட்டோர் பிணைக் கைதிகளாகப் பிடிக்கப்பட்டனர்.
இதனால் ஆத்திரமடைந்த இஸ்ரேல் ஹமாஸ் மீது போர் பிரகடனம் செய்து காசா மீது தாக்குதல் நடத்தியது. எல்லையை ஒட்டிய பகுதியில் தாக்குதல் நடத்தினர்.
பின்னர் காசாவின் தெற்குப் பகுதியைத் தாக்கியது. ரஃபா நகருக்கு அடுத்ததாக கருதப்படும் கான் யூனிஸ் நகரம் இஸ்ரேலிய தாக்குதலால் அழிக்கப்பட்டது. ஹமாஸை ஒழித்துவிட்டதாக அது கூறியது. பின்னர் அங்கு பாதுகாப்பான வலயத்தை உருவாக்கியுள்ளதாக இஸ்ரேல் கூறியது.
ரஃபா பகுதியைச் சேர்ந்த மக்களை அந்தப் பகுதிக்கு செல்லுமாறு எச்சரித்தது. இந்நிலையில், அக்டோபர் 7ஆம் திகதி இஸ்ரேல் மீது நடத்தப்பட்ட தாக்குதலுக்கு மூளையாக செயல்பட்டவர் ஹமாஸ் ராணுவ தளபதி முகமது தாயிப் என கருதப்படுகிறது.
அவர் கான் யூனிஸ் அருகே அல்-மவாசி பகுதியில் உள்ள சுரங்கத்தில் பதுங்கியிருந்ததாக தெரிகிறது. இதையறிந்த இஸ்ரேல் அப்பகுதியில் வான்வழித் தாக்குதல் நடத்தியுள்ளது.
இந்த தாக்குதலில் 71 பாலஸ்தீனியர்கள் கொல்லப்பட்டதாக காசா சுகாதார அதிகாரிகள் தெரிவித்துள்ளனர். போர் நிறுத்த ஒப்பந்தத்தில் இஸ்ரேல் ஆர்வம் காட்டவில்லை என்பதை இந்தத் தாக்குதல் காட்டுகிறது என்று ஹமாஸின் மூத்த அதிகாரி ஒருவர் தெரிவித்தார். இஸ்ரேலிய தாக்குதலில் 71 பேர் கொல்லப்பட்டனர் மற்றும் 289 பேர் காயமடைந்தனர்
கத்தார் மற்றும் எகிப்தில் போர் நிறுத்த பேச்சுவார்த்தை நடைபெற்று வரும் நிலையில், தாக்குதல் தொடர்பாக இஸ்ரேல் பாதுகாப்பு அமைச்சர் யோவ் கேலன்ட் அவசர ஆலோசனை நடத்தியுள்ளார்.
முகமது டீஃப் இஸ்ரேலின் தேடப்படும் பட்டியலில் ஒரு முக்கிய நபராக இருந்தார். இஸ்ரேலின் பல தாக்குதல்களில் இருந்து தப்பியவர். தற்போதைய தாக்குதலில் அவர் இறந்தாரா? தெளிவாக தெரியவில்லை.
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
