லங்காசிறி FM
கனடிய நடிகர் கீஃபர் சதர்லாந்து கைது
Kamal
கனடிய நடிகர் கீஃபர் சதர்லாந்து, பயணிகள் போக்குவரத்து சேவை (ரைட்-ஹெயில்) ஓட்டுநருடன் ஏற்பட்ட தாக்குதல் சம்பவம் தொடர்பாக லாஸ் ஏஞ்சல்ஸ் பொலிஸார் கைது செய்யப்பட்டுள்ளதாக அதிகாரிகள் தெரிவித்துள்ளனர்.
ஹாலிவுட் ஹில்ஸ் பகுதியின் தெற்கே உள்ள சன்செட் புலவர்ட் – ஃபேர்ஃபாக்ஸ் அவென்யூ சந்திப்புக்கு அருகில் தாக்குதல் சம்பவம் நடந்ததாக தகவல் கிடைத்ததையடுத்து பொலிஸார் சம்பவ இடத்துக்கு சென்றுள்ளனர்.
லாஸ் ஏஞ்சல்ஸ் போலீஸ் துறை வெளியிட்ட அறிக்கையில், 59 வயதான கீஃபர் சதர்லாந்து ஒரு ரைட்-ஹெயில் வாகனத்தில் ஏறிய பின்னர் ஓட்டுநரை தாக்கியதாகவும் மிரட்டியதாகவும் குற்றம் சுமத்தப்பட்டுள்ளது.
எனினும், அந்த ஓட்டுநருக்கு மருத்துவ சிகிச்சை தேவைப்படும் அளவுக்கு காயங்கள் ஏற்படவில்லை என பொலிஸார் தெரிவித்துள்ளனர்.
குற்றவியல் மிரட்டல் குற்றச்சாட்டின் அடிப்படையில் சதர்லாந்து கைது செய்யப்பட்டதாகவும், பின்னர் 50,000 அமெரிக்க டொலர் பிணையில் சில மணி நேரங்களுக்குப் பிறகு அவர் விடுவிக்கப்பட்டதாகவும் சிறை பதிவுகள் தெரிவிக்கின்றன.
அவரது முதல் நீதிமன்ற ஆஜர்வு பெப்ரவரி 2ம் திகதிக்கு நிர்ணயிக்கப்பட்டுள்ளதாகவும் குறிப்பிடப்பட்டுள்ளது.
சதர்லாந்தின் பிரதிநிதிகளிடம் கருத்து கேட்டு அனுப்பப்பட்ட மின்னஞ்சலுக்கு உடனடி பதில் கிடைக்கவில்லை.
பிரபலமான திரில்லர் தொடர் “24”-இல் ஜாக் பவுர் கதாபாத்திரத்தை நீண்ட காலமாக நடித்ததன் மூலம் கீஃபர் சதர்லாந்து உலகப் புகழ் பெற்றார்.
மேலும் “தி லாஸ்ட் பாய்ஸ்”, “யங் கன்ஸ்” உள்ளிட்ட திரைப்படங்களிலும், இயக்குநர் ராப் ரெய்னர் இயக்கிய “ஸ்டாண்ட் பை மீ”, “அ ஃப்யூ குட் மேன்” ஆகிய படங்களிலும் நடித்துள்ளார்.
அவர் ஹாலிவுட் திரையுலகின் புகழ்பெற்ற நடிகர் டொனால்ட் சதர்லாந்தின் மகன் என்பதும் குறிப்பிடத்தக்கது.
நயினாதீவு, நாரந்தனை, வேலணை, கரம்பொன், Toronto, Canada
12 Jan, 2026
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
உரும்பிராய், கொழும்பு, Tooting, United Kingdom, Coulsdon, United Kingdom
07 Jan, 2026
