லங்காசிறி FM
ஐக்கிய அரபு அமீரகத்திலிருந்து பணியாளர்களைக் கவர கனேடிய மாகாணமொன்று திட்டம்
Balamanuvelan
ஆல்பர்ட்டா மாகாணம், ஐக்கிய அரபு அமீரகத்திலிருந்து பணியாளர்களைக் கவர திட்டமிட்டுள்ளதாக வெளியாகியுள்ள தகவல், உள்ளூர் தொழிலாளர் யூனியன் தலைவர்களை கவலைக்குள்ளாக்கியுள்ளது.
கனடாவின் CBC News ஊடகத்திற்குக் கிடைத்த மின்னஞ்சல் ஒன்றில், 2025ஆம் ஆண்டுக்கான சர்வதேச பணியாளர் தேர்வுத் திட்டத்துக்காக, ஆல்பர்ட்டா மாகாணம், ஐக்கிய அரபு அமீரகத்திலிருந்து பணியாளர்களைக் கவர திட்டமிட்டுள்ளது தெரியவந்துள்ளது.
நவம்பர் 5 திகதியிடப்பட்ட அந்த மின்னஞ்சலிலிருந்து, ஆல்பர்ட்டா மாகாண புலம்பெயர்தல் மற்றும் பன்முகக் கலாச்சாரத்துறையின் ஆலோசகர் ஒருவர், இந்த வேலைவாய்ப்புத் திட்டத்தில் இணைய விரும்புவோர் பின்பற்றவேண்டிய விடயங்கள் குறித்து ஆலோசனைகள் வழங்கியுள்ளது தெரியவந்துள்ளது.
அத்துடன், ஆல்பர்ட்டா எலக்ட்ரீசியன்கள் யூனியன் ஒன்று CBC News ஊடகத்திற்கு அனுப்பியுள்ள ஆவணம் ஒன்றிலும் 2025 பிப்ரவரி மாத இறுதியிலிருந்து மார்ச் மாதத்தின் துவக்கம் வரை இந்த திட்டம் நடத்தப்பட இருப்பதாக குறிப்பிடப்பட்டுள்ளது.
உள்ளூரிலேயே பல எலக்ட்ரீசியன்கள் இருக்கும்போது இப்படி ஆல்பர்ட்டா மாகாணம் வெளிநாட்டிலிருந்து பணியாளர்களைக் கவர திட்டமிட்டுள்ள விடயம் தங்களைக் குழப்பமடையச் செய்துள்ளதாக சம்பந்தப்பட்ட துறை சார்ந்தவர்கள் தெரிவித்துள்ளார்கள்.
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
அனலைதீவு 3ம் வட்டாரம், Wimbledon, United Kingdom, Thames Ditton, United Kingdom, Croydon, United Kingdom
09 Jan, 2024
நவக்கிரி, நல்லூர், மானிப்பாய், கொழும்பு, Bunschoten, Netherlands
20 Dec, 2024
