அமெரிக்காவில் பயங்கரம்; தன்னைத்தானே சுட்டு உயிரிழந்த சிறுமி

United States of America Crime Gun Shooting

By Sulokshi Sep 27, 2023 06:21 AM GMT

Sulokshi

Report

அமெரிக்காவில் 14 வயதான சிறுமி ஒருவர் தன்னைத்தானே சுட்டு உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

அமெரிக்காவின் மத்தியமேற்கு மாநிலம் கன்சாஸ் (Kansas). இதன் தலைநகரம் டொபேகா (Topeka). இங்குள்ள க்ளவுட் கவுன்டி பிராந்தியத்தில் வசித்து வந்த ஒரு குடும்பத்தை சேர்ந்த ஜேலி சில்ஸன் (Jaylee Chillson) எனும் 14 வயது சிறுமி, சில தினங்களுக்கு முன் வீட்டை விட்டு வெளியேறி சென்றுள்ளார்.

Jaylee Chillson - kansas city

சிறுமியின் செயலால் அதிர்ச்சி

சிறுமி காணாமல் போனமை தொடர்பில் குடும்பத்தினர் க்ளவுட் கவுன்டி பொலிஸருக்கு முறைப்பாடு அளித்துள்ளனர்.

அதனை தொடர்ந்து சிறுமியை பொலிஸார் தேடிய நிலையில், ஜேலி தனது நண்பர்களுடன் ஊருக்கு வெளியே உள்ள அரோரா எனும் புறநகர் பகுதியில் ஒரு வெட்டவெளி விருந்தில் கலந்து கொண்டிருப்பதாக பொலிஸாருக்கு தகவல் கிடைத்தது.

Jaylee Chillson - kansas city

இதனையடுத்து அந்த இடத்திற்கு சென்ற காவல்துறையினர் அவளை வீட்டிற்கு வருமாறு அழைத்தபோது ஒரு காவல்துறை அதிகாரி அவள் தப்பி செல்லாதவாறு இருக்க அவளை பிடித்து கொள்ள முயன்றார்.

ஆனால், அதிகாரிகள் என்ன சொல்லியும் கேட்க மறுத்த அச்சிறுமி, ஒரு கட்டத்தில் திடீரென ஒரு துப்பாக்கியை எடுத்து தன்னை தானே சுட்டு கொண்டார். சிறுமியின் செயலால் அதிர்ச்சியடைந்த அங்கிருந்த காவல்துறை அதிகாரியும், தீயணைப்பு அதிகாரிகளும் சிறுமிக்கு உயிர்காக்கும் முதலுதவிகளை செய்தனர்.

எனினும் அவர்களின் முயற்சிகள் பலனளிக்காததால் சிறுமி உயிரிழந்தார். சம்பவம் தொடர்பில் விருந்துக்கு வந்திருந்த பலரிடம் பொலிஸார் தீவிர விசாரணை செய்து வரும் நிலையில் தனது மகளை பறி கொடுத்தமை குறித்து ஜேலியின் தந்தை உருக்கமாக சமூக வலைதளத்தில் பதிவிட்டுள்ளார்.