லங்காசிறி FM
கனடிய பிரதமர் குடும்பத்துடன் பார்த்து ரசித்த போட்டி ; கனடிய அணி தோல்வி
Kamal
கனடிய பிரதமர் மார்க் கார்னி ஞாயிற்றுக்கிழமை காலை தனது மனைவி டயானா ஃபாக்ஸ் கார்னியுடன் இணைந்து, கனடா–அமெரிக்கா இடையிலான ஆண்கள் ஒலிம்பிக் ஐஸ் ஹாக்கி இறுதிப் போட்டியை நேரில் பார்த்து ரசித்தார்.
ஒட்டாவாவின் வடபகுதியில் உள்ள கியூபெக்கின் செல்ஷா பப் உணவகத்தில் காலை 8 மணியளவில் அவர் குடும்பத்தினர், பிரதமர் அலுவலக ஊழியர்கள் மற்றும் லிபரல் கட்சி எம்.பிக்களுடன் சேர்ந்தார்.
ஜெர்சி அணிந்தும், வந்த பிரதமர், “எப்படி உணர்கிறோம்? சற்றே உற்சாகம் காட்டுங்கள்!” என்று உள்ளே நுழைந்தபோது குரல் கொடுத்தார்.
போட்டி தொடங்கியபோது, கனடிய கோல் கீப்பர் ஜோர்டன் பினிங்டனை “Winnington” என சிரித்தபடி குறிப்பிட்டார்.
மிலான்–கோர்டினா ஒலிம்பிக் போட்டிகள் நேர்த்தியாக நடைபெறுவதை குறிப்பிட்டு, “இது இத்தாலி, எல்லாம் துல்லியமாக நடக்கிறது,” என்றும் அவர் கூறினார்.
கார்னி அணிந்திருந்த ஜெர்சி, இந்த ஆண்டின் தொடக்கத்தில் பெண்கள் தேசிய அணியால் வழங்கப்பட்டதாகும். அவரது மனைவி, கனடிய நட்சத்திர வீராங்கனை மரி-பிலிப் பூலின் எண் 29 ஜெர்சியை அணிந்திருந்தார்.
போட்டி கடுமையான முறையில் நடைபெற்றது. இரண்டாவது காலப்பகுதியின் இறுதியில் கேல் மகார் அடித்த கோல் மூலம் கனடா சமநிலை பெற்றது.
மூன்றாவது காலப்பகுதி முடிவில் கணக்கு 1-1 என இருந்ததால், போட்டி கூடுதல் நேரத்திற்குச் சென்றது. ஒரு கட்டத்தில் பரபரப்பான தருணத்தில் பிரதமர் இருக்கையிலிருந்து எழுந்து, கண்கள் திரையில் உறைந்தபடி பதட்டத்துடன் காத்திருந்தார்.
இரு அணிகளும் நீண்டகால போட்டி எதிரிகளாக விளங்குகின்றன. கடும் போராட்டத்திற்குப் பிறகு அமெரிக்க அணி வெற்றி பெற்று தங்கப் பதக்கத்தை கைப்பற்றியது.
இதனால் கனடா அணிக்கும், அவர்களை உற்சாகப்படுத்திய பிரதமர் கார்னி குடும்பத்தினருக்கும் ஏமாற்றம் ஏற்பட்டது. கனடா 2002 மற்றும் 2010 ஒலிம்பிக் போட்டிகளில் அமெரிக்காவை வீழ்த்தி தங்கம் வென்றிருந்தது.
1980-ஆம் ஆண்டுக்குப் பிறகு ஒலிம்பிக் தங்கத்தை வெல்ல அமெரிக்கா நீண்டகாலம் காத்திருந்த நிலையில், இம்முறை வெற்றியை தங்களுக்குச் சாதகமாக மாற்றியுள்ளது.
குடும்பத்துடன் இணைந்து தேசிய அணியை உற்சாகப்படுத்திய பிரதமர் கார்னி, போட்டி முடிந்த பின்னரும் வீரர்களின் முயற்சியை பாராட்டியதாகத் தெரிவிக்கப்பட்டது.
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
இளவாலை மாரீசன்கூடல், கன்னாதிட்டி, கிளிநொச்சி, பிரான்ஸ், France
22 Feb, 2021
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
