லங்காசிறி FM
சிறுவனின் தற்கொலைக்கு உதவிய சாட்ஜிபிடி ; அமெரிக்காவில் அதிர்ச்சி
அமெரிக்காவில் 16 வயது மகன் தற்கொலைக்கு சாட்ஜிபிடி உதவியதாக, ஓபன்ஏஐ மீது, பெற்றோர் புகார் அளித்துள்ளனர்.
அமெரிக்காவை சேர்ந்த ஆடம் ரெய்ன் என்ற 16 வயது சிறுவன், சாட்ஜிபிடி உரையாடலில் தீவிரமாக இருந்துள்ளான்.
சாட்ஜிபிடி உரையாடல்
ஏப்ரல் மாதம் சிறுவன் தற்கொலை செய்து கொண்ட நிலையில், அவனது சாட்ஜிபிடி உரையாடல்களை பெற்றோர் பார்வையிட்டனர். இதில், தற்கொலைக்கான வழிமுறைகளை சிறுவன் சாட்ஜிபிடி மூலம் தேடியது தெரியவந்தது.
இதையடுத்து தங்கள் மகன் தற்கொலைக்கு உதவியதாக, ஓபன்ஏஐ நிறுவனம் மீது சிறுவனின் பெற்றோர் வழக்கு தொடர்ந்தனர்.
இது தொடர்பாக ஓபன்ஏஐ பதிவிட்டுள்ளதாவது: மக்களுக்கு மிகவும் தேவைப்படும்போது அவர்களுக்கு உதவுதல் என்ற தலைப்பில், பயனர்கள் சுய-தீங்கு போன்ற முக்கியமான பிரச்னைகள் பற்றி பேசும்போது சாட்ஜிபிடி-ஐ மிகவும் பொறுப்பானதாக மாற்றுவதற்கு எங்களது நிறுவனம் செயல்பட்டு வருகிறது.
சாட்பாட், மக்களை உதவியை நோக்கி வழிநடத்த வடிவமைக்கப்பட்டிருந்தாலும், நீண்ட உரையாடல்களின் போது அதன் பாதுகாப்புகள் பலவீனமடையக்கூடும். சில சமயங்களில் தீங்கு விளைவிக்கும் பதில்களை உருவாக்கும் என்பதை ஒப்புக்கொள்கிறோம்.
டீனேஜர்களுக்கு, பெற்றோர் தங்கள் குழந்தைகள் சாட்பாட் ஐ எவ்வாறு பயன்படுத்துகிறார்கள் என்பதைக் கண்காணிக்க, பெற்றோர் கட்டுப்பாடுகளை அனுமதிக்க தொடங்க திட்டமிட்டுள்ளோம். பாதிக்கப்படக்கூடிய பயனர்களை குடும்பத்தினருடனோ அல்லது நெருங்கிய நண்பர்களுடனோ இணைக்கக்கூடிய அம்சங்களையும் செய்ய திட்டமிட்டுள்ளோம் என பதிவிட்டுள்ளது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
