வுகானில் மீண்டும் தலை தூக்கும் கொரோனா!
சீனாவின் வுகான் நகரில் ஓராண்டுக்கும் அதிகமான இடைவேளைக்குப் பிறகு மீண்டும் கொரோனா தொற்று பரவுவதால் அதிர்ச்சி அடைந்துள்ள சுகாதார அதிகாரிகள், அங்குள்ள மக்கள் அனைவருக்கும் சோதனை செய்ய உள்ளதாக தெரிவித்துள்ளனர்.
கொரோனாவின் ஊற்றுக்கண் என வர்ணிக்கப்படும் வுகானில் ஒரு கோடியே 10 லட்சம் பேர் வசிக்கின்றனர். திங்களன்று புலம் பெயர் தொழிலாளர்கள் 7 பேருக்கு கொரோனா தொற்று உறுதி செய்யப்பட்டது.
இதை தொடர்ந்து வுகானின் அனைத்து மக்களுக்கும் கொரோனா இருக்கிறதா என்பதை அறிய முழுமையான நியூக்ளிக் ஆசிட் சோதனை செய்யும் பணி துவங்கி உள்ளதாக அதிகாரிகள் கூறியுள்ளனர்.
இதனிடையே சீனாவில் டெல்டா மரபணு மாற்ற வைரஸ் வேகமாக பரவுவதாக கூறப்படும் நிலையில், 12 க்கும் மேற்பட்ட நகரங்களில் மக்களை வீடுகளுக்குள் முடங்குமாறு உத்தரவிட்டுள்ள அரசு , உள்நாட்டு போக்குவரத்தையும் முடக்கி உள்ளது.