லங்காசிறி FM
Depression ; சமூக ஊடக நிறுவனங்கள் மீது அமெரிக்காவின் NYC அதிரடி வழக்கு
Sulokshi
கோடிக்கணக்கான குழந்தைகளையும், இளைஞர்களையும் சமூக வலைதளங்களுக்கு ‘அடிமை’யாக்கி, அவர்களது மன ஆரோக்கியத்தைக் குலைத்ததாக, சமூக ஊடக நிறுவனங்கள் மீது அமெரிக்காவின் நியூயார்க் நகரம் (NYC) அதிரடி வழக்குத் தொடுத்துள்ளது.
ஃபேஸ்புக், இன்ஸ்டாகிராம் நிறுவனங்களை நடத்தும் மெட்டா (Meta), கூகிள் மற்றும் யூடியூப் நிறுவனங்களைச் சேர்ந்த ஆல்ஃபபெட் (Alphabet), ஸ்னாப்சாட் (Snapchat), டிக்டாக் (TikTok) ஆகிய சமூக ஊடக ஜாம்பவான்கள் மீது நியூயார்க் மேயர் எரிக் ஆடம்ஸ் (Eric Adams) இந்த வழக்கை தாக்கல் செய்துள்ளார்.
குழந்தைகளின் மனநலப் பிரச்சினை
சமூக ஊடக தளங்கள், குறிப்பாக இளம் பயனாளர்களைக் குறிவைத்து, அவர்களைத் தொடர்ந்து தளத்தில் இருக்க வைக்கத் தூண்டும் வகையில் அடிமைத்தனத்தை ஏற்படுத்தும் அம்சங்களுடன் (Addictive Designs) வேண்டுமென்றே வடிவமைக்கப்பட்டுள்ளன.
இந்த தளங்களின் பயன்பாடு, நியூயார்க் நகரக் குழந்தைகள் மற்றும் இளைஞர்கள் மத்தியில் மனச்சோர்வு (Depression), பதட்டம் (Anxiety) மற்றும் மனநலப் பிரச்சினைகளை (Mental Health Crisis) தீவிரமாக்கியுள்ளது.
சமூக ஊடக நிறுவனங்களின் இந்தச் செயல்பாடு, ஒரு பொதுச் சுகாதார அச்சுறுத்தலாக (Public Health Hazard) மாறியுள்ளது.
குழந்தைகளின் மனநலப் பிரச்சினைகளுக்கு சிகிச்சை அளிப்பதற்கும், பள்ளிகளில் ஏற்படும் குழப்பங்களைச் சரிசெய்வதற்கும் நியூயார்க் நகரம் ஆண்டுதோறும் கோடிக்கணக்கில் செலவு செய்ய வேண்டியுள்ளதாகவும், இந்த செலவுகளை சமூக ஊடக நிறுவனங்களே ஏற்க வேண்டும் என்றும் வழக்கு வலியுறுத்துகிறது.
சமூக ஊடக ஜாம்பவான்களின் ஆதிக்கத்திற்கு நியூயார்க் சிட்டி அளித்துள்ள இந்தச் சவால், உலகளாவிய ஒரு பெரும் திருப்புமுனையாக அமையும் என்று எதிர்பார்க்கப்படுகிறது
இணுவில், Markham, Canada
12 Oct, 2022
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
