லங்காசிறி FM
பிரித்தானிய அரசாங்கத்தின் அதிரடி நடவடிக்கை ; விமானத்தில் குழந்தைகளுடன் பெற்றோர் அருகில் அமர கூடுதல் கட்டணம்?
வானூர்திகளில் 14 வயதுக்குட்பட்ட குழந்தைகளுக்கு அருகில் பெற்றோர் அமர்வதற்காக கூடுதல் கட்டணம் வசூலிப்பதைத் தடுப்பதற்கு பிரித்தானிய அரசாங்கம் நடவடிக்கை எடுத்துள்ளதாக சர்வதேச ஊடகங்கள் தெரிவிக்கின்றன.
இதற்குத் தேவையான அதிகாரங்கள் கிடைத்துள்ள நிலையில், குறித்த கட்டணத்தை நீக்குவது தொடர்பான ஆலோசனைச் செயல்முறையை ஆரம்பிக்கவுள்ளதாக பிரித்தானிய போக்குவரத்துத் திணைக்களம் தெரிவித்துள்ளது.
அத்துடன், சிவில் வானூர்தி போக்குவரத்துச் சட்டமூலம் நாடாளுமன்றத்தில் நிறைவேற்றப்பட்டால், இந்தப் புதிய நடைமுறையை அமுல்படுத்த முடியும் என தெரிவிக்கப்பட்டுள்ளது.
இதனிடையே, வானூர்தி பயணச்சீட்டுகளை முன்பதிவு செய்யும்போது ஏற்படும் சிறிய பெயர்ப் பிழைகள் உள்ளிட்ட நிர்வாகத் திருத்தங்களுக்கு பயணிகளிடம் கூடுதல் கட்டணம் அறவிடுவதைத் தடுக்கும் வகையிலும் புதிய விதிமுறைகளை அறிமுகப்படுத்த திட்டமிடப்பட்டுள்ளதாக தெரிவிக்கப்பட்டுள்ளது.
தற்போது பிரித்தானியாவில் இயங்கும் பல வானூர்தி நிறுவனங்கள் இவ்வாறான சில கூடுதல் கட்டணங்களில் இருந்து பயணிகளுக்கு பாதுகாப்பு வழங்குவதாக பிரித்தானிய அரசாங்கம் தெரிவித்துள்ளது.
எனினும், அனைத்து வானூர்தி நிறுவனங்களுக்கும் பொதுவான நடைமுறையை ஏற்படுத்துவதே இந்தச் சீர்திருத்தங்களின் நோக்கம் என குறிப்பிடப்பட்டுள்ளது.
எவ்வாறாயினும், வானூர்தி போக்குவரத்துத் துறையின் பிரதிநிதி அமைப்பான UK Airlines, பயணச்சீட்டுகளில் ஏற்படும் சிறிய பெயர்ப் பிழைகளைத் திருத்துவதற்கு தற்போது ஏற்கனவே கட்டணம் அறவிடப்படுவதில்லை என தெரிவித்துள்ளது.
அதேவேளை, easyJet மற்றும் Ryanair உள்ளிட்ட சில வானூர்தி நிறுவனங்களும், குழந்தைகளுக்கு அருகில் பெற்றோர் அமர்வதற்காக கூடுதல் கட்டணம் வசூலிக்கப்படுவதாக முன்வைக்கப்பட்டுள்ள தகவல்களை மறுத்துள்ளதாக வெளிநாட்டு ஊடகங்கள் தெரிவிக்கின்றன.
பிரித்தானிய போக்குவரத்துத் திணைக்களத்தின் தகவல்களின்படி, பெற்றோரும் குழந்தையும் வானூர்திப் பயணத்தின்போது அருகில் அமர்வதற்கு 104 பவுண்டுகள் வரை கூடுதல் செலவு ஏற்படக்கூடும்.
மேலும், பயணச்சீட்டு முன்பதிவில் ஏற்படும் சிறிய பிழைகள் அல்லது நிர்வாக மாற்றங்களுக்காக 40 பவுண்டுகள் வரை கட்டணம் அறவிடப்படக்கூடும் எனவும் தெரிவிக்கப்பட்டுள்ளது.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
