லங்காசிறி FM
9வது குழந்தைக்கு தந்தையானார் உலகின் முன்னணி பணக்காரரான எலான் மஸ்க்!
Sulokshi
உலகின் முன்னணி பணக்காரரான எலான் மஸ்க் (Elon Musk)தனது நிறுவனத்தில் பணிபுரியும் ஷிவோன் சிலிஸ் (Shivon Zilis)என்ற பெண் அதிகாரியுடன் உறவில் இருந்து இரட்டை குழந்தைகளுக்கு தந்தையாகி உள்ளதாக தகவல் வெளியாகியுள்ளது.
கடந்த ஏப்ரல் மாதத்தில், எலான் மஸ்க் (Elon Musk) மற்றும் சிலிஸ் (Shivon Zilis) ஆகிய இருவரும் தங்களின் இரட்டை குழந்தைகளின் பெயர் வைக்கும் போது தான் அதன் ஆவணங்கள் மூலம் இந்த செய்தி உறுதியாகியுள்ளது.
எலாஸ் மஸ்க்கின் (Elon Musk) முதல் மனைவியான கனடாவை சேர்ந்த எழுத்தாளர் ஜஸ்டின் வில்சன் (Justine Wilson), ஐந்து குழந்தைகளை பெற்றுள்ளார். அதன் பின்னர் கனடாவை சேர்ந்த பாடகி கிரிமிஸ் (Grimes), எலாஸ் மஸ்க் (Elon Musk) மூலம் இரு குழந்தைகளை பெற்றுள்ளார். இந்த நிலையில், இந்த தம்பதியினருக்கு கடந்த நவம்பர் மாதம் இரட்டை குழந்தைகள் பிறந்துள்ளன.
இந்த இரட்டையர்களையும் சேர்த்து எலான் மஸ்க்கிற்கு (Elon Musk) மொத்தம் 9 குழந்தைகள் உள்ளன. கனடாவின் ஒன்டாரியோவில் பிறந்த 36 வயதான ஜிலிஸ் (Shivon Zilis), எலான் மஸ்க்கை (Elon Musk) முதன்முதலில் 2015இல் சந்தித்தார். எலான் மஸ்க்கின் நிறுவனத்தில் ஷிவோன் சிலிஸ் (Shivon Zilis) 2017ஆம் ஆண்டு மே மாதம் பணிக்கு சேர்ந்துள்ளார்.
டெஸ்லாவின் செயற்கை நுண்ணறிவு பிரிவின் திட்ட இயக்குனராக பணியாற்றிய ஷிவோன் சிலிஸ் (Shivon Zilis) , 2019ஆண் ஆண்டில் நியூராலிங்கில் சேர்ந்துள்ளார். மேலும், டுவிட்டர் நிறுவனத்துடன் எலான் மஸ்க்கின் (Elon Musk) ஒப்பந்தம் நிறைவடைந்த பின், டுவிட்டர் நிறுவனத்தை ஷிவோன் (Shivon Zilis) முன்னின்று நடத்துவார் எனக் கூறப்படுகிறது.
மக்கள்தொகை கட்டுப்பாடு என்ற கருத்து அதிக தாக்கத்தை செலுத்தியுள்ளதால் உலகில் வயதானோர் எண்ணிக்கை அதிகரித்து இளம் வயதினர் எண்ணிக்கை குறைந்து வருவதை குறிப்பிட்டு தொடர்ந்து கருத்து தெரிவித்து வரும் எலான் மஸ்க் (Elon Musk) , மீண்டும் மனித குலம் அதிக குழந்தைகளை பெற்றுக்கொண்டு, பெரிய குடும்பங்களாக வாழத் தொடங்க வேண்டும் என வலியுறுத்தி வருகின்றமை குறிப்பிடத்தக்கது.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
செம்பியன்பற்று, கொழும்பு, திருச்சி, India, London, United Kingdom
24 Mar, 2026
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
