லங்காசிறி FM
கொழும்பு பல்பொருள் அங்காடியில் திருடிய பெண் சட்டத்தரணி
கொழும்பு பெண் சட்டத்தரணி ஒருவர், இரத்மலானை பல்பொருள் அங்காடியிலிருந்து ஆட்டு இறைச்சி, கோழி மற்றும் முந்திரி உள்ளிட்ட பல பொருட்களைத் திருடியபோது கைது செய்யப்பட்டுள்ளார். குறித்த பெண் நேற்று இரவு (18) கைது செய்யப்பட்டதாக கல்கிஸ்ஸை காவல்துறை தலைமையகம் தெரிவித்துள்ளது.
திருடப்பட்ட பொருட்களில் 520 கிராம் கோழி இறைச்சி, 250 கிராம் ஆட்டு இறைச்சி , வறுத்த முந்திரி, ஒரு பல் துலக்கும் தூரிகை மற்றும் ரூ. 5290 மதிப்புள்ள மதிய உணவுத் தாள் பொட்டலம் ஆகியவை அடங்கும்.
கைப்பையில் மறைத்து வைக்கப்பட்டிருந்த களவாடிய பொருட்கள்
களவாடிய பொருட்கள் அவரது கைப்பையில் மறைத்து வைக்கப்பட்டிருந்தபோது காவல்துறையினரால் கைப்பற்றப்பட்டன. பொருட்கள் வாங்குவது போல் நடித்து கடைக்கு வந்த ஒரு பெண், பல பொருட்களை ரகசியமாக தனது கைப்பையில் போடுவது சிசிடிவி கெமராவில் பதிவாகியுள்ளது.
திருடிய சில நிமிடங்களில் கடையை விட்டு வெளியேறவிருப்பதாகவும் நேற்று இரவு (18) கல்கிஸ்ஸை காவல் தலைமையகத்திற்குக் கடையிலிருந்து ஒரு தொலைபேசி அழைப்பு வந்ததாக காவல்துறை தெரிவித்துள்ளது.
உடனடியாக நடவடிக்கை எடுத்த காவல்துறையினர், அப்பெண் கடையை விட்டு வெளியேறியபோது ஒரு பெண் காவலரை அனுப்பி அவரது கைப்பையைச் சோதனையிட்டனர். அப்போது, கைப்பையில் இரகசியமாக வைக்கப்பட்டிருந்த பொருட்களை கண்டுபிடிக்க முடிந்தது என்று காவல்துறையினர் தெரிவிக்கின்றனர்.
மேலும் குறித்த சட்டத்தரணி நேற்று முன்தினம் (17) இதே பல்பொருள் அங்காடியிலிருந்து மீன்களைத் திருடியதாக காவல்துறையினர் மேலும் கூறுகின்றனர். மேலும் சம்பவம் சம்பவம் தொடர்பில் கல்கிஸ்ஸை காவல்துறையினர் விசாரணைகளை முன்னெடுத்து வருகின்றனர்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
