லங்காசிறி FM
பிரான்ஸில் பெட்ரோல், பட்டாசு வைத்திருக்கத் தடை
பிரான்ஸ் தலைநகர் பாரிஸ் உள்ளிட்ட பகுதிகளில் கடந்த வார இறுதியில் ஏற்பட்ட கலவரங்களைத் தொடர்ந்து, பெட்ரோல் அல்லது எரிவாயு நிரப்பப்பட்ட கலன்கள் மற்றும் போத்தல்களைக் கொண்டு செல்வதற்கும், பட்டாசுகளை வைத்திருப்பதற்கும் தற்காலிகத் தடை விதித்து பாரிஸ் பொலிஸார் கடந்த நேற்று செவ்வாய்க்கிழமை உத்தரவிட்டுள்ளனர்.
இந்தத் தடைகள் நாளை வியாழக்கிழமை வரை நடைமுறையில் இருக்கும் என அறிவிக்கப்பட்டுள்ளதுடன், பாரிஸ் பெருநகரப் பகுதி முழுவதற்கும் அவை பொருந்தும் எனத் தெரிவிக்கப்பட்டுள்ளது.
இதற்கிடையில், எதிர்வரும் சனிக்கிழமை முன்னெடுக்கப்படவுள்ளதாக அறிவிக்கப்பட்டுள்ள புதிய போராட்டங்களைக் கருத்திற்கொண்டு, பாரியளவிலான பாதுகாப்பு நடவடிக்கைகள் முன்னெடுக்கப்படும் என பிரான்ஸ் அரசாங்கம் உறுதியளித்துள்ளது.
மேலும், உயர்நிலைப் பாடசாலைகள் மற்றும் பல்கலைக்கழகங்களைச் சுற்றியுள்ள ஒரு தொகுதி தூரத்திற்குள் தலைக்கவசங்கள் உள்ளிட்ட பாதுகாப்பு உபகரணங்களை அணிந்து செல்வதற்கும் தடை விதிக்கப்பட்டுள்ளது.
கடந்த வார இறுதியிலும், அதற்கு முன்னர் நான்கு வாரங்களாக இடம்பெற்ற மாணவர் போராட்டங்களின்போதும், பொலிஸாருக்கும் முகமூடி அணிந்த இளைஞர்களுக்கும் இடையில் மோதல்கள் ஏற்பட்டுள்ளன.
இளைஞர்களில் சிலர் தலைக்கவசங்கள், பாதுகாப்புக் கண்ணாடிகள், கையுறைகள் மற்றும் வாயு முகமூடிகளை அணிந்திருந்தனர் என தெரிவிக்கப்பட்டுள்ளது.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024