நிஜ்ஜார் கொலையில் இந்தியாவுக்கு தொடர்பில்லை; கனடா

  காலிஸ்​தான் பிரி​வினை​வா​தி​யான ஹர்​தீப் சிங் நிஜ்ஜார் கொலை சம்பவத்தில் இந்தியாவிற்கு தொடர்பில்லை என கனடா தெரிவித்துள்ளது. காலிஸ்​தான் பிரி​வினை​வா​தி​யான ஹர்​தீப் சிங் நிஜ்ஜார் , கனடா குடி​யுரிமை பெற்று அந்​நாட்​டில் வசித்து வந்​தார்.

தடை செய்​யப்​பட்ட காலிஸ்​தான் டைகர் ஃபோர்ஸ் என்ற அமைப்பின் தலை​வ​ராக இருந்த நிஜ்ஜார் தீவிர​வா​தி​ என கடந்த 2020-ல் இந்​தியா அறி​வித்​தது. இந்​நிலை​யில் கடந்த 2023 ஜூனில் கனடா​வின் சர்ரே நகரில் முகமூடி அணிந்த இரு​வ​ரால் நிஜ்ஜார் சுட்​டுக் கொல்​லப்​பட்​டார்.

  கனடா - இந்தியா உறவில் விரிசல்

இந்தக் கொலையில் இந்தியாவுக்கு தொடர்பு இருப்பதாக அப்போதைய கனடா பிரதமர் ஜஸ்டின் ட்ரூடோ தொடர்ந்து குற்றம் சுமத்திய நிலையில் அதனை இந்தியா மறுத்திருந்தது. இதனையடுத்து கனடா - இந்தியா உறவில் விரிசல் ஏற்பட்டது.

எனினும், ட்ரூடோவுக்கு பிறகு வந்த, மார்க் கார்னி தலை​மையி​லான அரசு மீண்​டும் இந்தியாவுடன் தங்​கள் உறவை கட்​டி​யெழுப்​பத் தொடங்கியுள்ளது. இந்​நிலை​யில், நிஜ்ஜார் கொலை வழக்​கில் பிரபல தாதா லாரன்ஸ் பிஷ்னோய் கும்​பலை சேர்ந்​தவர்​கள் உட்பட 24 பேர் கைது செய்யப்​பட்​டுள்​ள​தாக அமெரிக்கா அறி​வித்​தது.

தற்​போது இந்திய சிறை​யில் இருக்​கும் லாரன்ஸ் பிஷ்னோய், வட அமெரிக்கா​வில் உள்ள அவரது உதவி​யாளர் கோல்டி ப்ரார் ஆகியோர் இணைந்து நிஜ்ஜாரை கொலை செய்ததாக அமெரிக்கா குற்​றம் சாட்​டி​யுள்​ளது.

இந்த அறி​விப்​பு வெளியான சில மணி நேரத்​தில் கனடா​வின் ராயல் கனடியன் மவுண்​டட் போலீஸ் (ஆர்​சிஎம்​பி) துணை கமிஷனர் லிசா மோர்லாண்ட் , “இந்திய அரசை இந்த வழக்குடன் இணைக்கும் வகையில் எந்த ஆதாரமும் கிடைக்கவில்லை. மேற்கொள்ளப்பட்ட கைது, பறிமுதல் நடவடிக்கையின் அடிப்படையில் விசாரணை தொடர்வதாகவும் அவர் கூறினார்.