கனடாவில் கொலை செய்யப்பட்ட இந்திய மாணவர்...எச்சரித்த தூதரகம்

india canada student kill

By Praveen Sep 10, 2021 08:34 PM GMT

Praveen

Report

இந்தியா மாணவர் ஒருவர் கனடாவில் கொலைச் செய்யப்பட்ட சம்பவம் அனைவரிடமும் பெரும் பீதியை ஏற்படுத்தியுள்ளது.

கனடாவில் உள்ள Nova Scotiaவில் Truro நகரம் அமைந்துள்ளது. இந்த நகரில் 23 வயதுடைய Prabhjot Singh Katri என்ற இந்தியா மாணவர் மர்ம நபர்களால் கத்தியால் குத்தி கொலை செய்யப்பட்டுள்ளார். இதனையடுத்து அவரை மருத்துவமனைக்கு கொண்டு சென்றுள்ளனர். ஆனால் அங்கு அவருக்கு அளிக்கப்பட்ட சிகிச்சை பலனின்றி உயிரிழந்துள்ளார்.

இதனை தொடர்ந்து தாக்குதலுக்கான காரணம் குறித்து போலீஸ் அதிகாரிகள் எந்தவித தகவலும் தெரிவிக்கவில்லை. இருப்பினும் இது இனவெறி தாக்குதலாக இருக்கக்கூடும் என்று இந்தோ-கனடிய குழுவினர் தெரிவித்துள்ளனர். ஆகவே Ottawaவில் அமைந்துள்ள இந்தியா உயர் அமைப்பகம் இந்திய மாணவர்களின் பாதுகாப்பை உறுதி செய்யுமாறு கனடா அரசை வலியுறுத்தியுள்ளனர்.

மேலும் இறந்த மாணவரின் உடலை இந்தியா அனுப்புவதற்கான அனைத்து ஏற்பாடுகளையும் செய்து தருவதாக ரொரன்றோவிலுள்ள இந்திய தூதரகம் உறுதியளித்துள்ளது. இதனையடுத்து அவர்கள் இந்திய மாணவர்களுக்கு எச்சரிக்கை ஒன்றை விடுத்துள்ளனர். அதில் "இரவு நேரங்களில் அதுவும் தனியாக ஆள் நடமாட்டம் இல்லாத பகுதிகளுக்கு செல்வதை தவிருங்கள்" என்று தெரிவித்துள்ளனர். அதிலும் இன வெறுப்பு நடவடிக்கைகள் மற்றும் ஏதேனும் திட்டமிட்டு நடத்தப்படும் செயல்களை சந்திக்க நேரிட்டால் உடனடியாக உள்ளூர் போலீஸ் அதிகாரிகளிடம் தெரிவிக்குமாறு இந்திய மாணவர்களிடம் கேட்டுக்கொள்ளப்பட்டுள்ளது.