லங்காசிறி FM
ஐ.பி.எல். கிரிக்கெட்: ராயல் சேலஞ்சர்ஸ் அணியை வீழ்த்தி முதல் இடத்தை பிடத்த சென்னை
Shankar
ராயல் சேலஞ்சர்ஸ் பெங்களூரு அணிக்கு எதிரான ஆட்டத்தில் சென்னை அணி 6 விக்கெட் வித்தியாசத்தில் வெற்றி பெற்றுள்ளது.
ஐ.பி.எல் கிரிக்கெட்டின் இன்றைய ஆட்டத்தில் (Csk vs Rcb) சென்னை சூப்பர் கிங்ஸ் - ராயல் சேலஞ்சர்ஸ் பெங்களூரு அணிகள் மோதின.
இதில் டாஸ் வென்ற சென்னை அணியின் கேப்டன் தோனி பந்துவீச்சை தேர்வு செய்தார். இதனையடுத்து முதலில் களமிறங்கிய பெங்களூரு அணியின் தொடக்க வீரர்கள் படிக்கல் மற்றும் கேப்டன் விராட் கோலி ஆரம்பம் முதலே அதிரடியாக ஆடினர்.
இவர்களின் அதிரடி ஆட்டத்தால் பெங்களூரு அணி பவர்பிளே முடிவில் விக்கெட் இழப்பின்றி 55 ஓட்டங்கள் குவித்தது. சிறப்பாக ஆடிய கேப்டன் விராட் கோலி அரைசதம் விளாசினார். அவர் 53 ஓட்டங்கள் எடுத்திருந்த நிலையில் பிராவோ பந்துவீச்சில் வெளியேறினார்.
அடுத்துவந்த டிவில்லியர்ஸ் 12 ஓட்டங்களில் கேட்ச் கொடுத்து வெளியேறினார். அதிரடியாக ஆடிய படிக்கல் 50 பந்துகளில் 5 பவுண்டரிகள், 3 சிக்சர்களுடன் 70 ஓட்டங்கள் குவித்து ஷர்துல் தாக்குர் பந்து வீச்சில் ஆட்டமிழந்தார்.
பின்னர் வந்த பெங்களூரு வீரர்கள் அனைவரும் சொற்ப ஓட்டங்களில் ஆட்டமிழந்தனர். இதனால், இறுதியில் 20 ஓவர்கள் முடிவில் ராயல் சேலஞ்சர்ஸ் பெங்களூரு அணி 6 விக்கெட்டுகள் இழப்பிற்கு 156 ஓட்டங்கள் எடுத்தது.
சென்னை சூப்பர் கிங்ஸ் அணியின் பந்துவீச்சாளர் பிராவோ அதிகபட்சமாக 3 விக்கெட்டுகளை வீழ்த்தினார்.
இதனை தொடர்ந்து 157 ரன்கள் எடுத்தால் வெற்றி என்ற இலக்குடன் சென்னை சூப்பர் கிங்ஸ் அணி களமிறங்கியது. தொடக்க ஆட்டக்காரர் ருதுராஜ் கெய்க்வாட் 4 பவுண்டரிகள் 1 சிக்சருடன் 38 ஓட்டங்களில் ஆட்டமிழந்தார்.
டுபிளிசிஸ் 31ஓட்டங்களிலும், மொயீன் அலி 23 ஓட்டங்களிலும் கேட்ச் கொடுத்து விக்கெட்டுகளை இழந்தனர். அடுத்து களமிறங்கிய அம்பத்தி ராயுடு 3 பவுண்டரிகள் 1 சிக்சருடன் 32 ஓட்டங்கள் எடுத்த நிலையில், ஹர்ஷல் பட்டேல் பந்துவீச்சில் கேட்ச் ஆகி வெளியேறினார்.
சுரேஷ் ரெய்னா(17 ஓட்டங்கள் ), கேப்டன் தோனி(11 ஓட்டங்கள் ) இருவரும் இறுதி வரை ஆட்டமிழக்காமல் களத்தில் இருந்தனர்.
இறுதியாக சென்னை அணி 18.1 ஓவர்களில் 4 விக்கெட்டுகளை இழந்து 157 ஓட்டங்கள் குவித்து 6 விக்கெட் வித்தியாசத்தில் வெற்றி பெற்றது.
பெங்களூரு அணியில் அதிகபட்சமாக ஹர்ஷல் பட்டேல் 2 விக்கெட்டுகளும், சாஹல் மற்றும் மேக்ஸ்வெல் தலா 1 விக்கெட்டும் வீழ்த்தியுள்ளனர்.
புங்குடுதீவு 12ம் வட்டாரம், யாழ்ப்பாணம், கொழும்பு, Chennai, India, Toronto, Canada
24 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
உடுப்பிட்டி, கொழும்பு, ஓமான், Oman, Toronto, Canada, Papua New Guinea, சிட்னி, Australia
20 Jun, 2025
யாழ் மாதகல் வடக்கு, Jaffna, கொக்குவில் மேற்கு, Scarborough, Canada
22 Jun, 2025
உடுப்பிட்டி, London, United Kingdom, Doncaster, United Kingdom
28 Jun, 2022
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
