லங்காசிறி FM
சகோதரருக்கு ஆதரவு அளித்த முன்னாள் பிரதமர் ஜஸ்டின் ட்ரூடோ
Kamal
கனடாவின் முன்னாள் பிரதமர் ஜஸ்டின் ட்ரூடோ, தனது சகோதரர் அலெக்ஸான்ட்ரே ட்ரூடோ இயக்கிய முதல் திரைப்படமான ஹெயார் ஒப் பியர் “Hair of the Bear” வெளியீட்டு விழாவில் கலந்துகொண்டு அவருக்கு ஆதரவு தெரிவித்துள்ளார்.
டொராண்டோவில் வியாழக்கிழமை நடைபெற்ற சிறப்பு திரையிடலில் ஜஸ்டின் ட்ரூடோ கலந்து கொண்டது கவனத்தை ஈர்த்தது.
அலெக்ஸாண்ட்ரே ட்ரூடோ மற்றும் ஜேம்ஸ் மெக்லன் இணைந்து இயக்கிய இந்த திரைப்படம், கனடிய த்ரில்லர் வகையைச் சேர்ந்தது.
பல ஆண்டுகளாக புவிசார் அரசியல் ஆவணப்படங்களை இயக்கி வந்த அலெக்ஸாண்ட்ரே ட்ரூடோவின் முதல் கற்பனை திரைப்படமாக இது அமைந்துள்ளது.
தாம் மற்றும் ஜஸ்டின் ட்ரூடோ பொதுவாக திரைப்படங்களைப் பற்றி பேசுவதில்லை எனவும் சந்திக்கும் போது விவாதிப்பதை விட நகைச் சுவையாக பேசுவதே அதிகம் என அலெக்ஸாண்ட்ரே தெரிவித்துள்ளார்.
மேலும், எதிர்காலத்தில் இருவரும் இணைந்து திரைப்படத் திட்டங்களில் பணியாற்றும் திட்டம் எதுவும் இல்லை எனவும் அவர் தெரிவித்தார்.
கடந்த ஆண்டு அரசியலிலிருந்து விலகிய பின்னர், ஜஸ்டின் ட்ரூடோ மிகவும் மகிழ்ச்சியாக அமைதியான வாழ்க்கையை அனுபவித்து வருகிறார் என அலெக்ஸாண்ட்ரே கூறினார்.
அவர் தற்போது பாப் நட்சத்திரமான Katy Perry உடன் உறவில் இருப்பதாகவும் தெரிவித்தார்.
ஜஸ்டின் ட்ரூடோ தனது படங்களில் நடிப்பார் என எதிர்பார்ப்பதில்லை என்றாலும், எதிர்காலத்தில் ஒரு அனிமேஷன் திரைப்படத்தில் குரல் கொடுக்க வாய்ப்பு இருக்கலாம் என அலெக்ஸாண்ட்ரே நகைச்சுவையாக தெரிவித்துள்ளார்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
