லங்காசிறி FM
கனடா தேர்தல் வரலாற்றில்... தொடர்ந்து 10 முறை வென்ற வேட்பாளர்
Arbin
லிபரல் கட்சியின் நீண்டகால அரசியல்வாதியான Hedy Fry வான்கூவர் மத்திய தொகுதியில் இருந்து மீண்டும் தெரிவாகியுள்ளார்.
இது Hedy Fry வெற்றிபெறும் 10வது முறை என தெரிய வந்துள்ளது. மட்டுமின்றி, கனடிய தேர்தல் வரலாற்றில் தொடர்ந்து 10 முறை வெற்றிவாகை சூடும் பெண் அரசியல்வாதி Hedy Fry என கூறப்படுகிறது.
2019 தேர்தலில் 42.2 சதவீத வாக்குகளில் Hedy Fry வெற்றி பெற்றிருந்தார். ஆனால் தற்போது 39.7 சதவீத வாக்குகளில் வென்றுள்ளார். மொத்தம் பதிவான 42, 821 வாக்குகளில், Hedy Fry 17,007 வாக்குகள் பெற்று வெற்றி பெற்றுள்ளார்.
இவரை எதிர்த்து போட்டியிட்ட NDP கட்சியின் Breen Ouellette 30 சதவீத வாக்குகள் பெற்று வெற்றி வாய்ப்பை இழந்துள்ளார். Hedy Fry கடந்த 1993ல் முதல் முறையாக வெற்றியை பதிவு செய்துள்ளதுடன், கன்சா்வேடிவ் கட்சியின் தலைவர் Kim Campbell என்பவரை தோற்கடித்தது மட்டுமின்றி, 132 நாள் பிரதமராக நீடித்த அவரது பதவிக்காலத்தையும் முடிவுக்கு கொண்டு வந்தார்.
மட்டுமின்றி கனடா தேர்தல் வரலாற்றில் பிரதமர் ஒருவர் தோற்கடிக்கப்படுவது அது மூன்றாவது முறை என்பது குறிப்பிடத்தக்கது.
