லங்காசிறி FM
சிறுமிகளுக்கு இடையேயான மோதலைத் தடுக்க முயன்ற நபருக்குக் கத்திக்குத்து!
கனடாவின் நெப்பியனின் கிரெய்க் ஹென்றி பூங்காவில் நபர் ஒருவர் கத்தியால் குத்தப்பட்ட சம்பவம், பல சிறுமிகளுக்கு இடையே ஏற்பட்ட மோதலால் உருவானது என உள்ளாட்சி மன்ற உறுப்பினர் தெரிவித்துள்ளார்.
நாக்ஸ்டேல்-மெரிவேல் வார்டின் நகரமன்ற உறுப்பினரான ஷான் டிவைன், சனிக்கிழமை தனது முகநூல் பக்கத்தில் இச்சம்பவம் குறித்த விவரங்களைப் பகிர்ந்து கொண்டார்.
ஒட்டாவா காவல்துறையினர் எனக்கு அளித்த தகவலின்படி, இந்தச் சம்பவத்தில் 15 வயதுக்கு உட்பட்ட சில சிறுமிகளுக்கு இடையே தகராறு ஏற்பட்டுள்ளது.
அப்போது அங்கு வந்த 55 வயதான தந்தை ஒருவர், அந்தச் சிறுமிகளின் மோதலைத் தடுத்து விலக்க முயன்றபோது, ஒரு சிறுமியால் கத்தியால் குத்தப்பட்டுள்ளார் என தெரிவித்துள்ளார்.
காயமடைந்த நபரின் வயிற்றில் இரண்டு இடங்களில் கத்திக்குத்து விழுந்துள்ளதாகவும், அவர் சிகிச்சைக்காக ஒட்டாவா மருத்துவமனையின் அவசர சிகிச்சை மையத்தில் சேர்க்கப்பட்டு, தற்போது சீரான நிலையில் உள்ளதாகவும் மருத்துவ உதவியாளர்கள் தெரிவித்துள்ளனர்.
இச்சம்பவத்தில் தொடர்புடைய இரண்டு சந்தேக நபர்களைப் பொலிஸார் உடனடியாகக் கைது செய்துள்ளனர். இது எந்தவொரு ரவுடி கும்பலின் மோதலும் அல்ல எனவும், பொதுமக்களுக்கு உடனடியாக எந்த ஆபத்தும் இல்லை எனவும் பொலிஸார் உறுதிப்படுத்தியுள்ளனர்.
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
புலோலி தெற்கு, Melbourne, Australia, Victoria, Australia, Zambia, South Africa, சிம்பாப்பே, Zimbabwe
24 Jul, 2026
