லங்காசிறி FM
பிரான்ஸிலிருந்து பிரிட்டன் செல்ல முயன்ற அகதிகள் இருவர் பலி!
பிரான்ஸிலிருந்து இங்கிலாந்திற்குச் சட்டவிரோதமாகச் சிறிய படகுகள் மூலம் ஆங்கிலக் கால்வாயைக் கடக்க முயன்ற அகதிகளின் பயணத்தில் அடுத்தடுத்த நாட்களில் இருவர் பரிதாபமாக உயிரிழந்த சம்பவம் பதிவாகியுள்ளது.
பிரான்ஸ் கடற்கரை நகரமான கலே (Calais) பகுதியில் இருந்து சுமார் 50-க்கும் மேற்பட்ட அகதிகளை ஏற்றிக்கொண்டு புறப்பட்ட ரப்பர் படகு, கடலின் நடுவே சென்றபோது சீரற்ற வானிலை மற்றும் படகில் ஆட்கள் எண்ணிக்கை அதிகமாக இருந்ததால் தடுமாறியது.
48 அகதிகளை மீட்ட பிரெஞ்சு கடலோரக் காவல் படையினர்
இதில் படகில் இருந்த அகதி ஒருவர் மூச்சுத்திணறல் மற்றும் கடுமையான குளிரால் பாதிக்கப்பட்டுப் படகிலேயே உயிரிழந்தார்.
தொடர்ந்து பிரெஞ்சு கடலோரக் காவல் படையினர் விரைந்து சென்று படகில் இருந்த ஏனைய 48 அகதிகளை மீட்டு கரைக்குக் கொண்டு வந்தனர்.
இதற்கு முதல்நாள்தான் இதேபோன்று மற்றொரு சிறிய படகில் ஆபத்தான முறையில் ஆங்கிலக் கால்வாயைக் கடக்க முயன்றபோது, மற்றொரு அகதி நீரில் மூழ்கி உயிரிழந்தார். பிரான்ஸ் மற்றும் பிரிட்டன் எல்லைப் பகுதிகளில் இயங்கி வரும் ஆட்கடத்தல் கும்பலின் கொடூரமான செயல்பாடுகளையும் மனித உரிமைகள் தொடர்பான கவலைகளையும் மீண்டும் வெளிச்சத்திற்குக் கொண்டுவந்துள்ளது.
நடப்பு ஆண்டில் மட்டும் ஆயிரக்கணக்கான அகதிகள் ஆபத்தான சிறிய படகுகளில் பிரிட்டனுக்குப் புலம்பெயர முயன்றுள்ள நிலையில், மனித கடத்தல்காரர்களைக் கட்டுப்படுத்த பிரான்ஸ் மற்றும் பிரிட்டன் அரசுகள் தீவிரக் கட்டுப்பாடுகளை விதித்து வருகின்றன.
எனினும், கடற்பயண ஆபத்துகளைப் பொருட்படுத்தாமல் தொடரும் இந்தச் சட்டவிரோதப் பயணங்கள் மற்றும் தொடர் உயிரிழப்புகள் சர்வதேச மனித உரிமை அமைப்புகளிடையே பெரும் கவலையை உருவாக்கியுள்ளன.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
